|
قصيده بعنوان الصدق
اخواني الاعزاء
هذه اول مشاركه لي في هذا المنتدى الطيب وارجو ان تنال الاعجاب واهديها للجميع الصدق بالصدق تكسب من تعزه وتغليه ////والكذب يبعد عنكم كل غالي واللي راعاك بعين لازم تراعيه ////بعيونك الاثنين يمنى وشمالي وخله ذخيره بساعة الضيق تلقيه ////يشيل حملك عند ميل الاحمالي مثل النداوي ساعة انك تناخيه ////يجيك مرفوع الجناحين عالى اللي مايودك روح رووح وخليه ////وبلا موده بالتراجي تنالي واللي صد عنك بالك اليوم تغليه ////ترى التعب مع المقفيين بالي هذي نصيحة شاعر الجيل ياهيه ////اقولها لكل رجل(ن) مثالي وصلاة ربي على النبي في مبانيه ////صلو على المبعوث نوره كمالي ارجو ان تنال اعجابكم وتروق لكم مع تحيات اخوكم...........العمده |
يا هلا فيك يا العمده بين اخوانك و اخواتك و مشاركه جميله كانت على المسحوب \ مستفعلن مستفعلن فاعلاتن .... لكن عندك اخطاء بسيطه بعد البيت الثاني اتمنا منك تداركها .... (( وخله ذخيره بساعة الضيق تلقيه //// يشيل حملك عند ميل الاحمالي )) الكسر (( .. الاحمالي ... تقدر تقول \\ ... خله على يمناك يعطيك حاليــّــه \ ... لا بينت سود الليالي ليالي \ .......! و مثل النداوي ساعة انك تناخيه //// يجيك مرفوع الجناحين عالى فيه عسف تناخيه \ ... تقدر تقول تناديه ... و تصير تمام الى اخر النص اتمنا لك التقدم و الرقي و ياهلا فيك مره ثانيه و في مشاركتك و في انتظار جديدك شكرا ً |
بالصدق تكسب من تعزه وتغليه = وبالكذب تفقد كم عـزيـزً وغـالي !! العمدة حياك الله صح الله لسانك تقديري لك ... |
صح لسانك اخوي العمده وانا مع محمد بن الحميدي في ملاحظاته اضيف ايضاً هذا البيتين اللي مايودك روح رووح وخليه ////وبلا موده بالتراجي تنالي واللي صد عنك بالك اليوم تغليه ////ترى التعب مع المقفيين بالي لو قلت مثلاً من لا يودك روح روح وخليه// وبلا موده بالتراجي تنالي ومن صد عنك بالك اليوم ترجيه // ترا التعب مع المقفين بالي هذه ملاحظتي اخي الكريم وانا لست بناقده ولكني اردت توجيهك فقط الى الأمام ان شاء الله ونحن بنتظار جديدك لك كل الشكر |
العمدة
قمة في الروعة ... تقديري |
محاوله رائعه الي الامام واتمني لك التوفيق تحيتي |
صح لسان شاعرها |
محاوله جميله
|
محاولة لأباس فيها والقادم اجمل وانا مع الأخ الشاعر محمد الحميدي في ملاحظاته .
دمتم بخير ..... |
صح لسان شاعرها والله يعطيك العافية
كل الشكر لروعه طرحكك مودتي .. |
| الساعة الآن 08:59 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Coupotech
HêĽм √ 3.1 BY: ! ωαнαм ! © 2010