ياصاحبي كم قلت ظاقت وظاقت=واربع جهات الكون ظاقت بالآفاق
والياصحت من نومها واستفاقت=ياشين وجهك يالزمن قبل الأشراق
نصف القطر بالأرض يومٍ تلاقت=والنصف الآخر محرقٍ كل الأوراق
ونصف العمر مبيوق والناس باقت=كم واحدٍ يسرق من الناس خفاق
كم مرةٍ عدت ومرت وفاقت=طاحت ولاادري وين طاحت بالأعماق
كسرة نجم من دمعة العين واقت=ويل الرصد لاطاح من جمر الأحداق
بأقصى محيط الهم تكـّة وراقت=في منجم سنين الأسى تحت الأنفاق
عكـّز على رجل القلم لين عاقت=حظٍ رجع مشلول ماقوّم الساق
ومن بارق المنشا زمى الغيم ساقت=بيت السحاب اللي بنا ظله رواق
ياصاحبي كم قلت ظاقت وظاقت=وهانت علي سبحان قسام الأرزاق