شبكة المضايف الأدبية والثقافية - نــــــادى الرحـــــــيل

نــــــادى الرحـــــــيل

http://fashion.azyya.com/images/smilies/05.gifإحســاسـي انهــا كتبـت من أجــليhttp://fashion.azyya.com/images/smilies/05.gif
ــــــــــــــــــــــــــــــ ـــــــــــــــــــــــــــ

يسري بنا الليل .. لانادت مواجعنا
ويفرح بنا الهم .. لاماتت امانينا

اغراب .. والحزن فالغربه يجمّعنا
اجساد نمشي .. وتتبعنا خطاوينا

كان الأمل في ظلام الوقت يزرعنا
لين الليالي .. تجي بالياس تجنينا

كنّا نعلّم جروح الوقت توجعنا
والحزن .. كنا نناديه وينادينا

نكتب : طريق الموادع مايرجعنا
نقرأ : طريق الموادع مايودينا

نبعد عن الهم .. نلقى الهم يتبعنا
من وين نبعد .. نلاقي همنا فينا

كنّا .. وهلحين كنّا وش بتنفعنا ؟
نادى الرحيل .. وسرق دربه خطاوينا

رحنا ورى الحب .. لين الحب ضيّعنا
مدري نسينا الزمن .. والا تناسينا !!

الين عشنا بلا صوره .. ولا معنى
ارواح .. تشبه لنا ظلمة ليالينا

واليوم .. ماعاد باقي شي يجمعنا
الا الوجع, والضياع , وحزن ماضينا

على كثر ماحلمنا .. ماتوقعنا
ينسى الزمن كيف كنا يوم حبينا

شكراً .. لأحساسنا اللي كان يخدعنا
شكراً لوقتٍ خذانا .. قبل يعطينا

شكراً لعمرٍ تركنا .. قبل يسمعنا
شكراً لأيامنا .. اللي جت توصينا

شكراً لأحلامنا اللي وقفّت معنا
شكراً لأحزاننا .. شكراً لأغانينا

بكت لنا الارض يوم انّا توادعنا
لأن الارض احضنتنا يوم حبينا

http://fashion.azyya.com/images/smilies/0153.gifمن إحسـاسي إختيـــاريhttp://fashion.azyya.com/images/smilies/0153.gif