مسكين يامهدد محبك بجفواك = لا تحسب أن الصد يرفع شعارك
الصد والحرمان عاده لشرواك = ويكون في عرفك شعار أنتصارك
أنا بدون أتصد ماريد طرياك = خلك مع اللي مهتني في ثمارك
تهل دمعك ثم بالكذب واساك = وهو الذي يسعى لتطوير نارك
خلك ليا منه مشى عند ذولاك=اللي ليا منه بغى شي زارك
وخلك مع الايام تسعى بممشاك = يافاقد الاحساس ضايع وقارك
كل العذاب اللي قضيته برجواك=اليوم في بعُدك يهد أعتبارك
برحل قناعه وأترك الضيم مسراك= وتعمى عيونٍ تلتفت يم دارك
من نشوة الخافق على يوم فرقاك = بنسى الالم وأنسى مواجع قرارك
يضيق صدري كل ماحل ذكراك = وفي سيرتك ذكرى تزيد أحتقارك
هذا أعتراف اللي خفوقه تمناك = وبأخر مطاف أطوّعه بأختيارك