|
(( لاصحاب السواء والذين يفقدون الرصيد ))
اخواني واخوتي السلام عليكم ورحمة الله وبركاته .. لقد وصلني بعض الاستفسارات عن موضوع يتردد كثيرا بين اصحاب السواء والشحن وهو ان هناك الكثير من الاخوان والاخوات يعانون من مشاكل نقص الرصيد بسبب بعض الشركات التي يشترك بها ويقومون بارسال رساله في احدى الاشتراكات ويقومون بخصم مبالغ بسيطه ولكنها مع الوقت تسحب الرصيد بدون مايحس الواحد وكثير منكم اكيد حاول انه يلغي الاشتراك وما استطاع وهذا الغالب يمكن قليل فقط التي الغيت معهم والباقين لم يستطيعون الغاءه يعملون كل طرق الالغاء ولكن لاتلغي وكثير منكم يتصلون على 902 ويطلبون الغاءه ولكن لاتلغى هناك نوعان من الاشتراك اولا الاشتراك برغبة العميل يعني هو الذي ارسل رساله لتلك الشركه وطلب الاشتراك وبعدها اردا الغاء تلك الشركه وتورط اما الاشتراك النوع الثاني ان هناك بعض الاخوان يقولون ويحلفون انهم لم يشتركو وان الرسائل تاتيهم وتخصم منهم مبالغ دون علمهم وتورطو طبعا احب انوه ان شركة الاتصالات ليسة مسئوله عن تلك الشركات لانها شركات غير لاصله لها بالاتصالات ولا تخص الاتصالات ولكن الاتصالات تقوم بمخاطبة الشركات نفسها وتوضح لهم ان العميل رقمه كذا وكذا يرغب الغاء الاشتراك وبعده بكم يوم يوقومون الغاء الاشتراك ولكن الشركات الان كثيره وصلت ملايين شركه لاتعد ولاتحصى وانتم تشاهدون هذا ايضا حبيت من هنا ان اقدم ما استطيع ان اساعدكم به فمن لديه مشكله على رقم سواء ويخصم عليه دون اشتراك فقط او غير اشتراك عليه مراسلتي رساله خاصه وانا سوف ادله على الطريق واوجهه التوجيه الصحيح يمكن بعضكم يقول ليش ما اوضح هنا الطريقه طبعا لا استطيع هنا لان كل شركه لها طريقه تختلف ولها رقم اشتراك يختلف وطريقة الغاء تختلف ماعليه الا مراسلتي وقت الحاجه وانا سوف اقدم ما استطيع ملاحظه : الذي يكون مشترك بارداته ويرغب الغاء تلغى بدون مقابل ملاحظه : والذي يكون لديه الخصم وهو غير مشترك يعني جاه بدون مايدري سوف تلغى الخدمه مع مرعاة ان جميع ماتم فقده في تلك الفتره يعود اليه بالكامل وذالك بعد التحقيق والتاكد من ذالك ولكم تحياتي ومودتي الجوال |
والله اخصمووووو مني لين ماقالو بسسسسسسسس
ولا ادري يخصمون حق ايش شلعووو قلبي الله يشلع قلووووبهم بس انت مومعهم^_^ وبعدين بفهم هالخمسه وخمسه وعقب ثمانيه بلله حق شنو هذي الثمانيه الي كل يومين وثالث مخصومه مني لحوووووووول وان دقيت سالت او استفسر شلعولي قلبي مايردووووون على عفيه قلب الكل شالعه ههههههههه الحين حنا مانبي منهم خصومات وعروضات بس خل يفكونا من سالفه هالخصم الي مدري ليش كل شوي القى مخصوم مني شي يسلموووو يالجوال على التواصل ومساعدك للجميع تحيااااااتي لك ريميــــــ والحلا ليه ـــــــه |
تسلم اخوي الجوال على التنبيه
وهالشركه وش ماتهقى تلقى فيها نصابين وياسرع مايجوضون تخبرون الشهر المجاني اللي طاف طلع كله نصب بنصب ويوم نزلت لي فواتير كلمتهم قالوا انت مالحقت الا على ايام من العرض قالوا مانزلتلك فاتوره الا بآخر خمس ايام يالله مجبورين عليهم الله يفكنا منهم ومن نصبهم |
ههههههه اجل ماتدرين هاه يسلمو اختي ريميه على التواصل والمرور المشرف بس ثقي انه ماخصم الا لسبب ايا كان مافي نار بلا دخااااااااااان ويعطيك العافيه مره اخرى وتقبلي تحياتي ومودتي الجوال |
يسلمو اخوي ثامر ويعطيك العافيه على المرور المشرف ونا خوك اذا فاتورتك ماهي مرضيتك قدم اعتذار ومالك الا الي يرضيك وش تبي بعد اهم شي لاتزعل وناخوك الدنيا ماسوى وسع صدرك هههههه اكرر لك شكري وتقديري الجوال |
شكرا اخوي الجوااال على المعلومه والخدمه الرااائعه
الف شكر على ما تقدمه لناااااااا تحياتي وتقديري لشخصك الكريم |
الاخ زايد سلمت وعفاك الله ومشكور على تواجدك المشرف تقبل مني كل التحايا والامنيات والتقدير الجوال |
اخي العزيز الجوال الموقر السلام عليكم ورحمة الله وبركاته , , , الله يسعدلي صباحك بكل خير انا عندي مشكلة في الحسم من رصيدي كل يوم 50 ,1 الساعة الرابعة فجراً وبعد ماتوقفت عن شحن جوالي و يبقاء فيه رصيد بمبلغ بسيط توقف الحسم من الرصيد يعني يبقاء فيه الريالين كانهم يعلمون كم في رصيدي هنا يتوقفون عن الحسم من الرصيد ممكن اعرف وين المشكلة وعلماً اني دقيت على الاتصالات يقولي الموظف ماعندك اي اشتراك وسوفا نرسل لك طلب اصلاح المشكلة وانا ماشفت اي اصلاح للمشكلة هل يوجد حل لهذي المشكله الي مدري متى تنتهي هذي المشكلة العويصه وعلى شان كذا خلوني اظطر اني اكنسل هذي اشريحة واخذ شريحة شركة زين تقبل http://www6.0zz0.com/2010/01/07/04/455549262.gif |
مرحبا فيك اخوي ابن وائل وحياك الله ويعطيك العافه على الحضور هنا والمشاركه بالنسبه لموضوع الخصم انشالله سهاله لاتشيل همه انا رح اراسلك الان على الخاص واوضح لك شلون الطريقه بعد ما استفسر عن شغله فقط تقبل تحياتي ومودتي وتقديري الجوال |
سؤال لو سمحت بعض مرات اشحن بطاقتي وقليل اكلم او افتح الجــــوال فجاءة ينسحب من الرصيد ( 5 ريال ) مع اني مو مشتركه بشي ووين يروح المسحوب من الرصيد |
| الساعة الآن 11:33 AM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Coupotech
HêĽм √ 3.1 BY: ! ωαнαм ! © 2010