|
تبي الهواء حزم الجلاميد وطريف
أخواني اعضاء مضايف عنزه الكرام
السلام عليكم ورحمة الله وبركاته اليكم هذي القصيده هي مداعبه مع أحدى الاصدقاء يشكي من حر الديره اللي هو ساكن بها وقول فيها --------------------------------------- تبي الهواء حزم الجلاميد وطريف وذيك الفياض اللي يذعذع هواها شمال من جابي بذيك الاطاريف من تلعت أمضله اللياخشم لاها ذيك الفياض المربعات المصاييف يجلن عن النفس العليله بلاها لايبعد مجلس خطات الهذاليف اللي عن الطولات تقصر أخطاها مجلاسهم يحرف الكبد تحريف ويركي على الكبد الغثيثه غثاها ياالله نظفهم عن الارض تنظيف وعـز الرجـال الـلي يـذري ذراهـا اللي مجالسهم بهاحامي الكيف وسوالـــفـــآ يـطـربـلهـا مـن بغـاها زحول الرجال اللي تحب التكاليف اللي عن الهزلات تحشم الحاها ودلالـهــم مثل البـطـاط المهاديف فـنـجـالـهـن طـب الـكبـود وشفاها ويـاأبـو غـازي مـالـنـا بـالـهـذالـيـف عــفــون الرجال اللي قليلن حـلاها ولا أنـــت حـرآ مـاكــره بـالـمـشاريـف نــسل الــرجـال الـلـي بـعيـدآ مـداهــا وصــلاة ربـي عـد مــايـطـلـع الــطـيـف وعــد الـنـجـوم الساريـه في سمـاهـا والسلام |
اللهم صلي وسلم على نبينا محمد وصح لسانك شاعرنا القدير / عبدالرزاق المطرفي والله يعطيك العافية على النص الرائع والمعبر كتبت وابدعت ولايستغرب الإبداع من اهله لك شكري وتقديري |
أختي العزيزه والشاعره القديره \ بنت الكحيلا
بيض الله وجهك على مرورك العطر طال عمرك وصح الله أبدانك والابداع مرورك أختي العزيزه ومليون شكر لك على تفائلك مع قصيدتي المتواضعه وهذا من حسن ذوقك وكرم اخلاقك تقبلي أجمل تحيه وتقدير مع باقة ورد تحياتي لك اختي شرفتيني |
الشاعر القدير/ عبدالرزاق بطاح المطرفي الموقر ابيات جزله وقويه وقافيه موفقه استطعت لفت انتباه القاري بشكل رائع بحيث لايمل من قرائتها ومشاهدتها الوصف والمسميات والمدح وتحديد الامكان والا انت حرآ ماكره بالمشاريف=نسل الرجال اللي بعيدآ مداها وصلاة ربي عد ما يطلع الطيف=وعد النجوم الساريه في سماها |
اقتباس:
هلا بالشاعر الكبير والقدير \ راضي حبيني السلمي الجزاله مرورك ياشاعر العز والعز مرورك الكريم طال عمرك تشرفت بهالمرور الكبير من شاعر عزيز مثلك مرورك شرف لي بيض الله وجهك وأطال الله في عمرك تقبل أجمل تحيه وتقدير لشخصك الكريم |
الف صح لسانك ونبضك ودامت حروفك الجميله استمتعت بمعزوفتك الرائعه |
صح لسانك عدد ماتحمل هذه الرائعه من حروف وجمال وجزاله فـ لله درك على حرفك الراقي وأتحافك المميز وأحترامك لذائقة القاريء بهذا الأبداع الذي يجبرنا على المتابعه ورود الكون اقدمها لك |
صح لسانك ودام تميزك وروعة حروفك متصفح رائع وأكثر من رائع بأنتظار المزيد من بوحك المميز والفريد . |
صح لسانك طاب لي ما قرأت هنا .. وأستمتعت بهذا الجمال والأبداع تحياتي لهذا الحس السامي ودام قلمك نابضا ...وقلبا ساميا خيّال نجد |
صح لسانك وسلم البنان ابداع وتميز ماشاء الله |
| الساعة الآن 08:29 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Coupotech
HêĽм √ 3.1 BY: ! ωαнαм ! © 2010