شبكة المضايف الأدبية والثقافية - شعراء يجارون الشاعر عبدالعزيز الطويلعي ( الطيب ميزه )

الطيب ميزه في طوال الاشانيب
اهل الأدب واهل العقول البيبه
والا الردى متوارثينه هل العيب
تب تبخن الرجال امدح قريبه
#عـبدالعزيز_قـالط_الطــويلعي
#المملكه_العربية_السعودية
_________________________
في ها الزمان لا عاد نشره على الذيب
ان غاب وللا ماسمعنا قنيبه
لان الزمن ياخوك ماهو زمن طيب
يسود به من دسم القرش جيبه

#ابوضياء
#جمهورية_اليمن_الشقيقة
_________________________
الطيب ميزة عند زين الهناديب
ويبن لك وقت المواقيف طيبه
ولا الردي دايم قريب محاظيب
حضه ردي والله مردي نصيبه

#فيصل_القايدي
#المملكة_العربية_السعودية
_________________________
لاصار مبدأ الطيب ضحكه وترحيب
تلقاه في روس الرجال العريبه
واللي يبي زله بابن عم وصحيب
يموت هم. وغم. ويبين. عيبه

#صالح_رياض
#المملكة_العربية_السعودية
_________________________
يا مرحبا بالقاف مليون ترحيب
والطيب ميزه ما تجي بالقصيبه
الله وهبها في رجال المواجيب
وراع الردى غلطان منهو صحيبه

#نواف_ابراهيم_الميهوبي
#دولة_الكويت_الحبيبة
_________________________
انكان راعي الطيب من ماكر الطيب
نبراس للاجيال من بعدشيبه
السيل مع مجراه مافيه تجنيب
من خلقة الدنيا يضبه شعيبه

#صنت_الغضوري
#المملكة_العربية_السعودية
_________________________
في هالزمن عينك تشوف التعاجيب
اما تجي بالطيب والا غصيبه
الطيب عمر الطيب مايعتبر عيب
فعل الردى جنب طريقه وسيبه

#ثامر_راكد_الرويلي
#المملكة_العربية_السعودية
_________________________
من لاكسب طيبه (قبل طلعة الشيب)
ماعاد له قدره بتالي مشيبه
واللي تردى بالرجال الاجانيب
يبا يتردى بالقريب وصحيبه
#عبدالله_بن_سعود_العنزي
#المملكة_العربية_السعودية
_________________________
مافيه احد مصيون مابه عذاريب
والطيب وهبه والمراجل صعيبه
ورزق الفتى من عند ربه مكاتيب
وهبه من الله مايجي بالغصيبه

#عبدالجبار_المشيطي
صوت المشطه
#المملكة_العربية_السعودية
_________________________
الطيب كايد بعض الاحيان واصعيب
على العفون الي تهاب الغليبه
لاكن على الاشناب مثل المكاسيب
ينفق مافي جيبه وياتيه غيبه

#فليح_هابس_الحربي
#المملكة_العربية_السعودية
_________________________
الطيب وهبه ياهل المجد والطيب..
دايم وراع الطيب بعال الجذيبه.
والاردى والعيب ماكر هل العيب.
راع الردا ماحد(ن) عرفه ودريبه

#عبدالله_نزال_بن_نمران
#المملكة_العربية_السعودية
_________________________
ترى المراجل حاظره مالها غيب
مهي على الاجواد ترى صعيبه
واللي يعد الطيب هو راعي الطيب
كلا ابها الدنيا يحصل نصيبه

#الشاعر_نهير_الدهمشي
#دولة_الكويت_الحبيبة
_________________________
عنز على اللي يدركون المواجيب
ليا تكلم ينفض اطراف جيبه
يخشى كلامآ يلحقه عيبن وريب
يبعد منازل ديرته عن شعيبه

#حمد_العوده_الشميلاني_الفدعاني
#المملكة_العربية_السعودية
_________________________
الطيب لة بين البرية مناديب
وانتم مناديبة. ولاهي غريبة
كم شاعرا راوي وكم راوي اديب
صفاتكم. بين الخلايق. مهيبة

#علي_بن_ثاني_الطويلعي
#المملكة_العربية_السعودية
_________________________________________
ابي اجتهد وأرتب القاف ترتــيـب
وماكل رمايـ(ن) يصيب الضريبه
والطيب يسهل عند كسابة الطيب)
لو ان دروبــه كايــدات وصــعــيبه

#سليمان_عياط_المسيكي
#المملكة_العربية_السعودية
_________________________
والله لو كل الاوادم على الطيب
اقسم فلا يحسب لمن طاب طيبه
فعل الجماله تحضر احيان وتغيب
وكلن على ماقيل ياخذ نصيبه

#محمد_الحجر_الفدعاني
#المملكة_العربية_السعودية
#حفر_الباطن
_________________________
دوم الوفي دايم على حق ومصيب
وخـوة ردي الفعـل عيـب ومصيبه
هـذا النعـم عنّــه ولافيـه تجنيـب
وهذاك لاسمه دايـم يقـال خيبــه

#بندر_عصري
#المملكة_العربية_السعودية
_________________________
الطيب فطرت كاسيبن المواجيب
وإلا الردي لو طاب ما بان طيبه
والطيب حزة والمواقف مناديب
كلن يبيه ولاكن الطيب هيبه

#عيد_الصايل_الخريصي
#المملكة_العربية_السعودية
_________________________
رجلٍ يجي طيب وهو خالي الجيب
وان طابوا اهل الطيب ماهي غريبه
ورجلٍ رغم ماله بليّا مكاسيب
لاتزبنه في لازمك وتغزي به

#سلطان_محمد_النعمان
#حبر_القدر
#المملكة_العربية_السعودية
_________________________
فوق الجبال النايفه يعتلي الذيب
طبعه يحثه للمعالي وطيبه
ولا الردي ماهمه ان فعله يعيب
تلقاه خامل والمذله نصيبه

#عبدالله_الذيب_الحبلاني
#المملكة_العربية_السعودية
_________________________
الطيب لاهل الطيب شرق وتغريب
والطيب كايد والموارد صعيبه
الطيب زرقة رمح والصايب يصيب
وكلا على ماقيل يدرك نصيبه

#كريم_بن_سودان_الطويلعي_العنزي
#المملكة_العربية_لسعودية
_________________________
الطيب.. مثل الصقر يهد ويجيب
*حر ن ولد حر عاليات ن مراقيبه
ولا اردي يجنب عن الطيب تجنيب
مايكسب الطولات لوهي قريبه

#قالط_السلمي_العنزي
*#المملكة_العربية_السعودية
________________________
الطيب ضلع عاليا ياهل الطيب
ترى المراقي يم راسه تعيبه
والمنطق الطيب وحسن الاساليب
يقريك لو انه مايقدم حليبه .

#الاديب_بن_كليته
#المملكة_العربية_السعودية
_________________________
يا مرحبا باهل الوفاء والاصاحيب
اقولها من دون شك(ن) وريبه
الطيب لااهل الطيب مافيه تصعيب
له الولد. يشيب من قبل شيبه

#عطاء_السلمي
*#النادر*
#المملكة_العربية_السعودية
_________________________
سلام ياهل الوفاء يالاشانيب
اعداد ماغاب القمر من مغيبه
تحيتاً ترقى عن القص والعيب
لجمع الرجال الكاملين المنيبه

#ضاحي_المشيطي
#هـدددددااااج
#المملكة_العربية_السعودية
_________________________
سلام ياربعن نباهم تراحيب
اللي تونس بالعلوم العجيبه
عيال وايل بالوازم غواليب
يوم المغازي حقها ماغديبه

#ضيف الله_عواد_الجعفري
#المملكة_العربية_السعودية
_________________________
الطيب ضيفٍ والنشاما معازيب
والضيف له قدرٍ وقيمه وهيبه
يرخصه لاش مايعرف المواجيب
اللي حياته بالخزى والمعيبه

#مهدي_الدمجاني
#المملكة_العربية_السعودية
_________________________
يطيب منهو ضاري(ن)يفعل الطيب
مايحسب حساب الخساير بجيبه
والعفن ودك مايفصل ولاجيب
يكتب على ثوبه ردي(ن) نصيبه

#متعب_الصقري
#المملكة_العربية_السعودية
_________________________
الطيب ميكاره بعال المراقيب
ماتاصله غير الرجال الاديبه
والا الردي ماله جناح ومخاليب
تبت يدين اهل الوجيه الغضيبه

#الشاعر_سعد_سعيد_الذيابي
#المملكة_العربية_السعودية
_________________________