شبكة المضايف الأدبية والثقافية - قصيده رثاء بــ #الشهيد_فيصل_لافي_الركابي

مسطرٍ فعلك شموخ ومهــــــابه
فعلك بميدان الشرف يرفع الراس

تذود عن حد الوطن لاغـــــــرابه
عزالله انك عز ياعصابة الـــــراس

وموتك فجيعه للاهل والقــــرابه
لاون موتك يابيض الوجه نومــاس

هذا وطنك اللي تلحف تــــــرابه
دافعت عن حده والافعال نبــراس

عساك للجنه بدار الصحــــــــابه
ولاباس يالافي من الحزن لابــاس

التهنئه والتعزيه لك تشــــــــابه
هذا الشهيد اللي دحر كيد الانجاس

لو مات فيصل ذكر فيصل رقـــابه
شف سيرته عطره تسولف بها الناس

امسح دموع الحزن ونف الكـــأبه
مامات فيصل لو لفظ كل الانفاس

ذكره يسطر باالشجاعه كتـــــــابه
بصم له التاريخ بمعرب الســـــاس

دم الركابي دون داره غـــــــزابه
اخر محطاته على الدار حــراااااااس

ياعل مثواه النعيم الرحــــــــــابه
في روضةٍ ماشافها كل عســـــاس

يشوفها اللي محتسب عن حســـابه
في طاعة الله راهنن كل الاحسااااس

فالح عقيل الركابي