((ترى غلاكم بالمحاني ولا زال))
 

خل الغلا حاضر وطازج على طول
كل يوم بيومه لا يتغير بك الحال
تسقيه بالبسمة مع الجود والقول
ينبت كما ينبت من البان . ما طال
عوده يشادي عودكم حالي الزول
زول الغوالي نايف كل .... الازوال
جربت انا عشق المزايين .. واقول
ان ما سقينا عشقنا ذاب ... بالحال
قرب واقرب يا بعد كل ... مجمول
نشهد على عهد الغلا يا هوى البال
ياما قضينا بالهوى حول ... وحول
تشهد فيافي حبنا ويشهد ... اللآل
ما ردنا عن حبنا زايد ........ القول
ما همنا في حبنا قايل ......... قال
كان الغلا منكم حقيقة ... ومبذول
ترى غلاكم بالمحاني ...... ولا زال

القارظ العنزي

الله عليك ابا فيصل

رائع واكثر من رائع

صح لسانك مليون ولا يكفون

صح بدنك غالينا ابو سلطان
واخونا العزيز الفاضل
الاطرق بن بدر الهذال

صح لسانك ملايين
شاعرنا العذب
القارظ العنزي
ابدعت كالعادة
بانتظار جديدك باذن الله
ودي واحترامي

صحة انفاسك بنت الجبل
هذا بس من ذوقك الراقي

قرأت حرفك بعمق شديد وراق لي
طاب احساسك وصح لسانك ملايين
اقدم شكري وتقديري لـ شخصك النبيل

سلمت يمينك وصح لسانك ملايين
قصيده جمعت الجزاله والأبداع معاً

ودي

نص راقي وتواصل ارقى
صح لسانك وسلمت اناملك الذهبيه
بإنتظار جديدك

خيّال نجد

صح الله لسآآنك ابداع وجزاله دائماً ...‘‘
راقت لي كل الأبيات بجمالها وتسلسلها وقوة المعنى

ود لاينتهي

صح لسانك
ابداع بحرفك