ياقلب 00 كان الصبر مبدأ ودستور= وكان النصيحه تنشرى كالبضاعه
أنصحك 00 كانك تسمع الراي والشور = لاتتبع اللي ينقلون الاشاعه
إرفع مقامك 00 لاتجي كل محذور = القدر 00 لامن طاح صعب ارتفاعه
والكِبْرْ 00 في حق الرجل نقص وقصور = والخوف 00 في بعض المواقف 00 شجاعه !
والرجل من جور الزمن 00 يلحقه جور = لاصار ماعنّده اربوع وجماعه
يعيش بالدنيا ذليلٍ ومقهور = حتّى ردي الساس يلوي ذراعه
والطيب 00 باهل الطيب له ساس وجذور = وترى المعزّه بالرضا والقناعه
العشب ماينبت على صحصحٍ بور = والعمر كنّه ينحسب ربع ساعه
إحذر تعاشر راعي الكذب والزور = والهرج زوده 00 لايهمّك سماعه
مجبور 00 تتبع كلمة الحق مجبور = كم واحدٍ بيديه سبّب ضياعه
إمّا تعيش وترفع الراس منصور = والاّ تموت بعز 00 موت السباعه