سلام يالشامان ياهل المروات ::::::::
ياهل الكرم والطيب وهل الفعايل ::::::::
من شانكم نطوي بعيد المسافات ::::::
ولاهمنا بعد الخطوط الطوايل ::::::
جينا لكم ياهل القلوب النظيفات ::::::
من طيبكم جتكم جميع الحمايل :::::
وشيوخنا الهذال اهل الجمالات ::::::
شيوخن لنا من يوم دور الاصايل ::::
أشيخوخ أعمارات الفخر والبطولات :::
يومنها مابين صايل وجايل ::::
من صلب وايل مبعدين الغزاوات :::
معدلين الشيل لاصار مايل ::::
لاقلت وايل تهتز أجبال السراوات ::::::
ولا قلت ياعناز شفت الهوايل
تاريخكم ياعزوتي حي مامات
وأنتم هل الفزعات صبيان وايل
يوم السيوف المرهفات الصقيلات
كم شيخ قومٍ عن أحصانه تمايل
خلوه وايل لسباع المجيعات
عقب السطر حطو عليه النثايل
حنا نجي أحيا بأجسام الاموات
نموت ولا نرضى اعلوم الفشايل
تشهد لنا ذيقار يوم البطولات
وتشهد لنا بالفعل كل القبايل
عاداتكم عند المواقيف بالذات
لاهاجت الهيجاء وشبت فتايل
هذي الابيات قلتهافي حفلة الشامان بالشملي
اخوكم عبدالرزاق المطرفي
|