اليل بعيون المريض يطولي
ماله جدى ياغير جر الولاويل
حالة مريضٍ. شاف شين يهولي
ماهو اسوات اللي يدور التعاليل
ياخوي بعض الناس شكله زعولي
تعطيك تقسيمات وجهه تفاصيل
وبعض البشر يالقرم شكله عجولي
لو ان اموره يالسنافي تساهيل
يودع من الموضوع شين شمولي
ولوضع عادي مايبي زود تهويل
لاشك بعض الناس طبعه فضولي
يحب يعرف عن كل التفاصيل
هذاك ماهو للجزايل يطولي
غير النقيلي ماذكر به محاصيل
عبدالرزاق المطرفي
|