ياعين لامن نامو الناس تسرين
بينك وبين النوم حرب البسوسي
مدري انا غادي ولا الناس غادين
وعين الشقا عيا يجيها النعوسي
يالهرش مدري وين ناسي وانا وين
مدري مع المسراح ولا العسوسي
دنيا. تغير بين يومٍ ويومين
هداج راح وجت عقبه ارسوسي
حنا بزمان الكذب والدجل ماشين
وتغيرت عند الجميع النفوسي
وتبدلت جلساتنا والدواوين
واكل اللحوم الناس بين الضروسي
وتغيرت عاداتنا يامسلمين
ولاهمنا ياغير جمع الفلوسي
وحفلاتنا تغيرت بين قوسين
ناظر طريقت حفلنا والعروسي
ياكثرهم. ياطيب الساس غادين
بالهيلمه والكذب ناسٍ تحوسي
كثر النفاق انشاهده شوف بالعين
كذبان صارو للخلايق تروسي
ياالله بدلها من العسر للين
وتفكنا من بعض ناسٍ انجوسي
وصلاة ربي عد ماترمش العين
على رسوله كثر رمل الطعوسي
عبدالرزاق المطرفي
|