البارحه ليل الشقا مانمته
سرابي الهاجوس مع مسراي
أشغلني الهاجوس ولا لمته
ماغير انا وياه رايح جاي
يالدودلي والقاف لك نظمته
تنظيم جيشٍ للعدو غزاي
من بعد نظم القاف لك سلمته
وشف الزمن وشلون يامشكاي
بعض البشر تارم عليك علمته
ولاهو مع البايع ولا الشراي
من دون سبه يحذف عليك رضمته
والمشكله ماهو بكاتب ولا قراي
شفت الزمن بانت علينا اعتمته
من سبت النمام والحكاي
بعض البشر اكال حتى لحمته
وصل الرحم معدوم في معناي
لو تنصحه عن الخطا وفهمته
يقول انا ماخطيت في دعواي
هذا هو مفهومه وهذا سمته
مايخذ بشورك ولا بالراي
لقيت بحر صعب لاشك عمته
وعبرت انا يالقرم عن مغزاي
ماني بوكيل أدم على مظلمته
وانا على نهجي وزنت اخطاي
عبدالرزاق المطرفي
|