تطمّن يا نهاية عامي ويا عامي اللي حل
تراك أنت السنين وعمري اللي عايشه كلّه
أنا يوم اني أسميك عمري ! ما لساني زل
وش الأيام لو ماهي غلاك وشمسه وظلّه
أحبّك كل ما قالوا بدا قلب الحبيب يمل
وأحبّك كل ما قلت اسكتوا .. لا يمكن أملّه
وأحبّك وأنت لا قلبك ولا قلبي لحقهم ذل
حبايب | والقلوب نظاف ما بنفوسنا علّه
لقيتك والضياع أعمى عيونك لين صرت أدل
ودلّيت الطريق اللي قبل لقياك ما أدلّه
تخيّرتك وأنا مالي خيار إلا أنت مو من قِل
ولكن كنت ما تشبه أحد من بد خلق الله ..
|