يامرحبا وعداد مالاحت ابروق
وعداد ماهبت نسايم هبوبه
قريت طاروقٍ ماهو بي طاروق
من شاعرٍ جزل المعاني اسلوبه
ذكرتنا بالحب ياطيب الذوق
والحب يامشكاي تتعب ادروبه
كم واحدٍ من سبة البيض محروق
حب العذارى للخلايق اعقوبه
كم عاشقٍ عدى على راس شاهوق
سبة غزالٍ بالمحبه لعوبه
بيح كنينه بالهواء شوف مخلوق
رعبوبةً تذبح جماله اعجوبه
مالوم من قلبه تحرق على الشوق
على حبيبه قام يشعط ابثوبه
عبدالرزاق المطرفي
|