مرثية قديمة في اخي سالم حمد رحمه الله


من عقب سالم لاحشا ماتهنيت
فرقاه سوت بالمحاني هوايل

يابوحمد ماني مصدق توفيت
الموت يبطي ياكريم الخصايل

الموت مايقدر يغيب هل الصيت
يبقون رغم انفه اعلام ودلايل

يحيون في بطن الثرى مابهم ميت
بالذكر والقول الحسن والجمايل

يابوحمد لوتنفدى ماتخليت
تفداك نفسي والاهل والقبايل

ياحزام ظهري فقدكم ماله اوحيت
ولاطرالي ياجميل الشمايل

اثر القدر يبني لكم باالثرى بيت
والا قدار ماهي ياعضيدي تسايل

حسبي عليها كم منها تعنيت
ولاهي بترفق بي ولاابها تحايل