بســم ربـي أعـتــزي فـي مبتـــــداه = ربٍ أمـره بيـن كاف وبيـن نــون
يـاإلهــي مـالنــا عـنــك غـنـــــــــاه = يـاإلاهـاً فيـك ماتخيـب الظنــــون
بأسـم ربعـي اللي لهم صيتٍ وجــاه = لابتـي بالطيـب دايــم يذكـــــرون
ياهــلا ويامـرحبـا بـعبـــــــــد الإلاه = يـاهــلابك عــد ماهلــت مــــزون
يـوم جــاء محلنــا مع أخويــــــــاه = مرحبابـه ومرحبــا باللي يجـون
أبـن أميــرٍ ياعسـى ربي يحمــــاه = يرتقـي بالخرج بأشكال وفنـون
نســل عــودٍ الله يطيـب ثــــــــراه = مـن شيـوخ بفعلهـم ماينســون
المراجـل دربهـا صعب ورقـــــــاه = يعتلــي يومٍ غيـره يقصــــــرون
ومرحبــا بالشيخ أبو مرضي معـاه = جعـل يفدونـه كثيريـن العفــــون
هو نسل مرضـي وساجر من وراه = ترثــة اللـي باللــوازم يفعلــــون
ومـن تعنـى لحفلنـا وأتعـب خطـــاه = موقعــه بيـن الحنايـا والجفـــون
وبيض الله وجه أبو سامي ورعـاه = في فعولـــه كل ربعـه يفخــــرون
مابقــى للطيــب درب إلا مشـــــــاه = ودايـــمٍ للطيــب سبـاقٍ يكـــــون
المراجـل حازهـا من أول صبــــــاه = وأتعـب اللي قـد نوو مثلـه يبـون
والعـذر لكـل مـن قافــي نســــــــاه = والنشامــى مثلكم لي يعـــــذرون
والصـلاه على النبي في منتهـــــــاه = عد ماهب الهوى ومالت غصون