ارحب فيك اخوي خالد اجمل ترحيب ونورت المضايف

يعطيك العافيه على الموضوع الرائع


ومعاك على نفس الطير

الا ياطـيـر خبـرنـي وش الـلـي صـــار لـلأحـبـاب
تـرى قلـبـي كـثـر هـمّـه سبـايـب غيـبـة احبـابـي

غريبـه عنّـي يسافـر ولا اعـرف للسفـر أسبـاب
كــذا فـجـأه يودعـنـي ولا أدري أيــش الأسبـابـي

تـرى بعـده عـن عيونـي يهـد الحيـل والأعصـاب
يمر الوقـت بغيابـه وأنـا عايـش علـى اعصابـي

الا ياطيـر ماعنـدك خبـر عــن عــودة الغـيـاب؟؟
ولا تـقــدر تطـمـنـي تـجـيـب عــلــوم غـيـابــي؟؟

ابـي ياطيـر لامـر بسمـاك مـن الطيـور اســراب
ابيـك تعانـق اسـرابٍ تجـي مـن بعدهـا اسـرابـي

ابيـك تفـتّـش الدنـيـا . تـدوّرلـي عــن الأصـحـاب
تجيـب العلـم ياطـيـري وتطمّـنـي عــن اصحـابـي

لـك الله ليـت جنحانـك علـيّ وماحسـبـت حـسـاب
اطـيـر بصـحـبـة الـغـالـي ولا فـكــرت بحـسـابـي

اروح اسكن على قربه وأخلي الباب حول الباب
اشـوفـه لافـتـح بـابـه وانــا واقــف عـلـى بـابـي

ادنّـق لابـدى حـولـه مــن اهـلـه لايجـيـه عـتـاب
وهــو يرسـلّـي النـظـره بـلـيـا خـــوف وعـتـابـي

اخـلّـي خافـقـي يـدلــه بـقـربـه ماتـجـيـه اتـعــاب
واذا ناظـرت فـي زولــه نسـيـت الـهـم وأتعـابـي

سـقـاك الله يـايـومٍ بــدت بـــه نـظــرة الأعـجــاب
حضيـت بنظـرة اعجابـه وهـو يستاهـل اعجابـي

سحرنـي صوتـه الدافـي حنـون ومنطقـه جــذاب
وفـيـت لقلـبـه الـوافـي وهــو بالـوصـف جـذابـي

الــه الـكـون لاتفـجـع خـفـوقٍ مــن غـلاهـم ذاب
تـلـوّع سـبّـة الفـرقـى وهــو مــن قبـلـهـا ذابـــي

الا ياطـيـر خبـرنـي وش الـلـي صـــار لـلأحـبـاب
تـرى قلـبـي كـثـر هـمّـه سبـايـب غيـبـة احبـابـي