أبغى الهدوء وعمني كل الإنصـات
لحظة أمل إجتاحها فكر هالـك !!
قالت أحبك قلت و الحـب بالـذات
يبغى مدينة .. ما حكمتها ممالـك
إخلاص عاشقها جمع كل ما فـات
واستوطن بذكرى.. تمـر بخيالـك
يعني.!! ضميرك حي للحين مامات
ما تنكري قلبن عن الأرض شالك.!
تقديس حرفه والرضاء دون غايات
ويكون أولى لا تحرر .. وصالـك
ليله أماني تكتنـز .. هالحكايـات
وصبحك يحقق حلمه اللـي بدالـك
يشب ضوه وأنت نبـع المعانـات
ويهيم هاجس هالخفوق اشتعالـك
يكتبك شـوق وتهتديـة العبـرات
ويقراك واقع في خفوق احتمالـك
من مفترق طبعـك لآخـر دلا لات
تكون أسمى .. لا تعاليـت حالـك
كذا الوفاء ماهي حكايـة بطـولات
تعظيمه إخلاصك ولو ما طرالك.!!