المشاركة الأصلية كتبت بواسطة عبدالعزيز الوادي

عادي ما ابات .. واظلم الجفن واشقيـه
لا صار فيني شوق .. انا أجفاك يا نوم

ولهان انا وقلبي .. من العـام معطيـه
عسى يحن ويرحـم .. بحـال مهمـوم

وجدي على شوفه .. وضمات اياديـه

وجد الذي مجروح .. والجرح مسمـوم

للحين ما صرَح .. ولا قلت انا اغليـه
للكل منا احساس .. والبـوح ملطـوم

عشق (ن) عفيف .. وظاهره مثل خافيه
عشق بدوي .. اطهر وابعد عن اللـوم

خلي خجول .. ويستحـي لـو اناديـه
اخجل من الضحكه .. على وجه محروم

يدري وانا ادري .. بكل شي ومعانيـه
بس الحيا يمنع .. لنا طبـع وسلـوم

اكتب شعر مخنوق .. وارجـع اغنيـه
واهل دمع(ن) .. يجرح الخد مصـدوم

يا ليل روَح .. وين صبحي انـا ابيـه
تعبت انا ساهر .. واسامرك يا نجـوم