يابحر ...........!!
لولا الأمل ماعشت حلم السفينه
وابني عليها للأمل من عمر نوح
ولولا الأمل بعقود لؤلؤ ثمينه
حلم البحر غواص يطفو على اللوح
ولولا الأمل فنان وش ترسمينه
زهره مع الفنان في قمة سفوح
ولولا الأمل والحظ بي تدفنينه
في ناظري مدفون مع دمعة البوح
ولولا الأمل بأقـلامنا تكـتبينه
شفت الورق بدموعنا يمتلي نوح
ولولا الأمل والشعر بي تعشقينه
عشق الشعر يابنت غطـّا على الروح
ولولا الأمل بعيون لا تذبحينه
كم بالنحر من طعنة الرمش مذبوح
ولولا الأمل مفتاح لا تقفلينه
ضاع الفرج ماعاد بـ أقفالنا طموح
ولولا الأمـل ميزان ماتعـدلينه
يميل مهما كان عدله به وضوح
ولولا الأمل جناي منهو يدينه
جاني علي وان مت ماهو بـ مشفوح
وكان الأمل بحار خذني سفينه
أبحر معك واغرق معك وين ماتروح
بحر القصيد~