فتشت بالقاموس في كل الأقطار=ولقيت وايل فوق عالي قمرها
ربع(ن) لهم في هامة المجد تذكار=مكتوب من مي الذهب من سطرها
ربعي بني وايل هل المجد والكار=افعالهم بالمجد كلن ذكرها
ربعي بني وايل بعيدين الاذكار=وفعولهم لليوم محدن طمرها
واذوادهم ترعى زماليق الاقفار=تسرح ديار الخوف محدن قهرها
وافعالهم تذكر بنجد(ن) وسنجار=والفرس دكوها وداسوا خطرها
وصديقهم يلقى معزه ومقدار=وعدوهم يشرب خبايث كدرها
وبشر مع جلاس لاشبت النار=صديق عينك مايطيح بنحرها
عدوهم يشرب قراطيع الامرار=لاقام ينثر بالمعارك حمرها
من صلب وايل بالمعارك لهم كار=وافعالهم بالطيب محدن نكرها
وصلاة ربي عد مابالسما طار=على رسول الله سيد بشرها