تحيتي لاهـل الحـفـل وحـظـوره = ولاهي عـن الي يستمع مقصوره
ولي يشـوف الحفل عبر الـشـاشــه = نهـديله السـلام بـصـوت وصـوره
ولـبـيـك يـاداعــــا دعـانا لحفله = والـي دعــانـا لازمــا نــــــــزوره
جـيـنا نشـارك بالـحـفـل ونـبارك = بـلـيـلـة فـرح فـيهـا يفوح عطوره
خـلـيـل يـومـنـه دعــانـا جـيـنـا = دعـوة عـزيـز ودعـوته مـشكـوره
جـيـنـا نباركله بـعـرس عـيـالـه = الـلـه يـديـم افـراحـهــم وســروره
مثل خليـل الي ينومـس عــرفـه = الــطـيـب الـي وافـيـات شـــبـوره
مــن لابــةً يـــوم الـقــا جـبـاره = افـعـالهـم يـوم الـلـقـــاء مخـبـوره
ولادعـه قـومـاعـريـبـا ساسهـم = بـيـوت عــزاً بـالـفـخــر معـمـوره
انـجـيـت اعـدد فعلهـم ماحـصيته = يـعـجـز الـقـلم ماخطهـا بسطـوره
افـعـالهـم مـاهـي ولـيـدة صـدفـه = عـلى الـجـدود الـماضيه مـأثـوره
الى جـاء نهاراً فيه كـون وغـاره = وقـفـو بـجـل الـذود عـن مقهـوره
ياسـعـد منهـم فـزعـته وحـزامـه = بـاذن الـولي فـزعـاتهـم منصـوره
كم مـن عـقيداً جا بقـومه غـازي = واقـفـا وقـومه خايـبـه مـكـسـوره
والظيف محشـوماً وقـدره وافـي = يلـقى فـقـار الحيـل مع مـيـسـوره
الجار يسلى مـن حلى جـيـرتـهـم = يـنـسـى ديـاره لـوتـزود شـهـوره
وشـيوخهـم كل عـنزه تـفـخـربهم = اعـلام من بيـن العـرب مشهـوره
الشيخ الايـدا الى حـداك الحـادي = وشـكيت من ظيم الزمان وجـوره
ازبن لاخو بقـشـه بـوقـت الـلازم = وحاجـتك لـوهي كـايـده مـقـدوره
وهـايـبـه جـزلـه وعـلـمـه غـانـم = تـبـذل يـديـه ولاحـسـب مخسوره
ونـقـالـو الـطـيـار نـعـم الـطـاري = ابوعـنزه مـن ماضيات عصــوره
شهم وشـجـاع وبالـلـوازم وافـي = مهدي على الطرقي ذلول وكـوره
ونـعمين بابن سـميرحريب الدول = حـما الدخـيـل وقـصـته مـذكـوره
الشيخ اخـوعـذرا ينومـس فعـله = الـتـرك فـي كـثـره كســرطـابـوره
وكـل الـقـبايـل حـقـهـا حـامـيـته = ماهـو على الي قلتهم مـحـصـوره
واليوم من فضل الولي وحسـانه = بـامـن ومـان والـعــدى مـقـهـوره
كـل الـقـبـايـل بـالـوطـن حـبايـب = كـلاَ بـخـيـر وحـالـتـه مـيســـوره
عــم الامـن والـخـيـر مـمـلكـتـنا = والـفـضـل لـلـه ثـــم لاخــو نـوره
ارسا قواعـدها وثـبـت حـكـمهـا = وسـاد الامن فـي بـرها وبـحــوره
وحّـد بــواديـهـا وطــور مـدنهـا = وزال الجهل والعلـم شعشع نـوره
وعـلى كـتاب الرب اسس حكمه = ومن سنه الهـادي جعـل دسـتوره
وبـعـده عـياله قـادو الـمـسـيـره = يـارب جـعــل ذنـوبـهـم مـغـفـوره
والـيـوم حاكـمنا الزعـيـم العـادل = من المجد شـيّدعـاليات قـصــوره
عـبـد الله الي كـل شـعـبـه حـبـه = يالله عـسـاه بـصـحـتـاً مـوفـــوره
على الوطن والشعب شهداًصافي= والا العـدو يسقيه كــاس مــروره
الشـعـب واحـد والـملـك عـبـدالله = مـتـكاتـفـيـن بـخـيـرها وشـروره
الشـعـب والـقـائـد بخندق واحــد = وهل الفتن باذن الـولي مـدحـوره
وســلمان يسـلـم للـعـهـد وامينه = سـلـمان هـو درع البـلاد وســوره
والـمـعــذره وانـكـان قـلـنـا زلــه = شـاعـر وعـبر مـاتـكـن شــعـوره
انصبت مـن ربي وهـو الـهـادي = والاالخـطـا مـن نفسي المغــروره
نعـوذ بالله مـن شــرور انـفـسنا = ونـعـوذ مـن فحـش الكـلام وزوره
وصلوعـلى محمد نـبي الـرحـمه = شـفـيعـنا يـوم الحـشـر ونـشـوره