عرض مشاركة واحدة
قديم 25-02-2010, 03:56 PM   #4


الصورة الرمزية زايد الدغماني
زايد الدغماني غير متواجد حالياً

بيانات اضافيه [ + ]
 رقم العضوية : 31
 تاريخ التسجيل :  Oct 2009
 أخر زيارة : 31-07-2019 (02:36 AM)
 المشاركات : 10,037 [ + ]
 التقييم :  10
لوني المفضل : Cadetblue

اوسمتي

افتراضي




من قال هتلر مات


ماعاد به تكفى ولاعاد تنقال=كلمه قديمه من يهزه صداها
والغيره اللي كان نلقى لها ظلال=قتلوا عياله والمعلّم وطاها
تبدلت يا سيدي حال في حال=حالٍ على الله حلها ومنتهاها
زمان معك ريال تسوى به ريال=وتصيّر نجم نجوم فيك انتباها
زمان فيه العولمه فعلها طال=ومن لادخل فيها سرح في حماها
وبدل عرب صرنا طرب لال يا لال= انجازنا (غنوه) ومن مستواها
ولاصار رب البيت للدف طبال=اكيد جاهلها كفيل بعماها
راشد يذم رشيد , ورشيد محتال=وحنا الضحيه والهدف ومغزاها
من قال هتلر مات هتلر ولازال=هتلر رسم خطه وخيه مشاها
يا جيل صدقني ترى العود دجال=خطة صليبي والعريبي كلاها
اقوالنا لعبه ولعبتهم افعال=وحنا نردد ياعساها عساها
لاوين ياجيل الدعايه والارسال =سلعة ردي الساس من هو شراها
قتلن بنات شيوخ لعيون فريال=وفريال بنت الغرب نشّري رضاها
شجاعنا يبكي على انقاض اطلال=وهامورنا يرقص ويدفع عشاها
ادبك ورى ليلاك واربط لها الشال=والرقص دبكه وارقصوا يا قصراها
واشتر عطر لميس يا طيب الفال=تحظى بلميس وخيها واقرباها
يلعب علينا تاجر الفقر موال=يالعن ابو لميس واللي غذاها
من يفهم اللعبه يدرس له اجيال=ومن لافهمها ضاع عمره وراها
ولاكل من ركب على الغتره عقال=قد العقال وكلمته لاحكاها
إلا رجال الطيب للعز مدهال=عن الردى تكرم وتحشم لحاها
ولازلت اقول رجال باقي به رجال=سيوف مسلوله على من نواها
جبال الجزيرة يوم تذكر لها جبال=آل السعود اللي ذرانا بذراها
لامال عفش شعيل تعباله حبال=يمشي ورجله فوق راسه ثناها





 
 توقيع :