بهّر دلالك
بهّر دلالك جيت لك ابي فنجال =من صافي الود الذي في عيونك
انت الذي بيتك للأكرام مدهال =وانا سجينه سجني بوسط كونك
شوف الموده داخل القلب تختال = هي والمشاعر اقبلو يطلبونك
طلبة دخيل ٍ حامل دم رجال =جلّوه ربعه جا ك طلاب عونك
وانا طلبتك قلب ياطيب الفال =لا ...ماطلبتك غالي ٍ من ظعونك
والمهره اللي مالها غير خّيال =يرخي رسنها لاتكثّر ظنونك
مشيت في دربك مثل مشي رحال =وجاريت وقتك لو تزايد طعونك
حملت همك لا تضايق بك الحال =وسايرت افراحك ولحظة جنونك
لبست لك خاتم وعقد ٍ وخلخال =و كحلت عيني وكلهم يحترونك
ونحت لك قلبي على شكل تمثال =وزينته بشعرك وجايز لحونك
وصّبرت شوق ٍ من اثر بعدكم شال =حمل ٍ ثقيل ٍهد حيلي بدونك
ياما تخيلتك لي شراع وظلال = وارمي حمولي في مرابع سكونك
لا لاتطاوع كل عاذل ومحتال =ان كانهم عني نوو يبعدونك
انت الحليل اللي له البال مّيال =وقلبي وروحي كلهم يفتدونك
لو غبت عني من ورى جبال وجبال =لابد ماشواقك علي يحدونك
http://mdyf.net/vb/showthread.php?t=6491