ياحبني يالقرم لبعض المجاليس
اللي بها ريح المهيل يفوحي
مجالسٍ فيها السوالف مراميس
بين الرجال اللي تحب المزوحي
زحول الرجال محرقين المحاميس
اهل المكارم بالزمان الشحوحي
ولا لاح براق الحيا له عواسيس
وتلقاء لهم مدهال في كل سوحي
في ديرةً تبعد جميع الهواجيس
من شرقي الزمله لذيك السفوحي
مع خوت اللي كاسبين النواميس
ناخذ لنا مع جرهد البيد شوحي
برض الحماد اللي تجيه القرانيس
هذا هو نفسي وهذا طموحي
عبدالرزاق المطرفي
|