عرض مشاركة واحدة
قديم 09-03-2010, 12:50 AM   #5


الصورة الرمزية تركي عبدالله العنزي
تركي عبدالله العنزي غير متواجد حالياً

بيانات اضافيه [ + ]
 رقم العضوية : 343
 تاريخ التسجيل :  Dec 2009
 أخر زيارة : 26-06-2016 (02:58 AM)
 المشاركات : 5,569 [ + ]
 التقييم :  10
لوني المفضل : Cadetblue

اوسمتي

افتراضي





دار الغروب


ياصاحبي دار الغروب من الغروب الياالصباح=وانا على ذيك الليال من الوله مستلهمي
سلطان ياسلطان قلي ويش اسوي بالجراح=ماعاد لي قدره وانا في غربتي مستألمي
ياصاحبي والقلب شوفه بالزمن وشلون طاح=اتعب ولاحدن ياخوي الدرب بيه يعلمي
اشتاق لك واشتاق لك والخوه اللي بالشراح=يطرب لها شعري وقلبي بالمشاعر يكتمي
كم ليلة عدت علي والبال فيها ماستراح=اشد برحال الفكر لاضاق بالحبر قلمي
الصمت يذبحني غبن والهرج يطعني رماح=والسالفه ياصاحبي مابين دمي ولحمي
القلب يحرقني غلا والوقت يتعبني صياح=وإن جيت اعاتب بالخطا ماعاد ينطقها فمي
يالعن ابوجد الخطا لاجاك من رجل فلاح=ماهزني مثله خطا أضيق ويضيق نسمي
إن جيت تبغا له عذر ماعاد تلقا لك صلاح=ياليت نلقاها السلامه لو يعاتبها سمي
الذاهبه ولت جفا ماذاقت المي القراح=تقطعت ياصاحبي قبل امس من كثر الرمي
والناس تجهل بالامور اللي على المرواح راح=واللي خفا ياصاحبي مدفون ماشافه نمي
والحمدلله ماعلي لو شفت من خلفي نباح=هرج المسفه بالضهر ماهز رجلٍ ضيغمي
جيبي نضيف من الدنس ماخالطه ميٍ ملاح=أقولها والله على سر الخلايق يعلمي
عزي لمن خان العهد خسران ماذاق القراح=ولو إضحكت له بالنفاق يجيه يوم ويندمي
الزور مافاد البشر والغش هادم للنجاح=والوقت كافل للبشر ماكل شين ينكمي
واللي يحوف المرجله يلقا نجاحه بالصباح=واللي يدور للردى لااابد وقته يضلمي
والعاقل اللي له عقل ويميز دروب الفلاح=مغنيه ربي بالمراجل لو زمانه يحتمي
مامون يادار الخوي ياعل عمره للسماح=واللي بصدري ياعسا يبريه ربن يرحمي

...........................................

تباع الخطا
ياصاحبي ماني وانا تركي بتباع الخطا=والمقفي اللي راح ماوالله نتبع خطوته
ومن باعنا والله لابيعه ولو حبه سطا=وكلن مع العالم يبين موقفه مع حجته
يمناي تشبعني فعل وإن جيتها تشبع عطا=والضايع اللي بين خلق الله تغشه هقوته
من يوم عرفي للمراجل ماصدر مني خطا=والوافي يبشر بالوفا والهافي مني قلعته
ماهزني جرح الغريم اللي على صدري نطا=كلن يبين معدنه على حسب طبيعته
والحمد لله دامنا بالخير نذكر من بطا=أنشهد إنه مكسبي والرجل همه سمعته


 
 توقيع :
الرجل لاهزته ريح الحميا=لايدور كسرها يبغا ذراها
ياعسا رجلٍ عن الفزعات عيا=ينحرم من شيبته ولا ضناها
واهني اللي له الجزله تهيا=حافض المعروف والسيه نساها

تركي عبدالله العنزي


رد مع اقتباس