|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | أكفلهم … ونحن نرعاهم
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | مساعدمزعل اليمني | مشاركات | 245 | المشاهدات | 89192 | | | | انشر الموضوع |
|
أدوات الموضوع | انواع عرض الموضوع |
05-01-2022, 02:08 PM | #231 | |
|
اخذة لي من صافي الود فنجال
لو كان وحداني مكفي الحاله فنجال رايق شفته ماله امثال ساقه على سوق الغلا واشتراله الا ويسوى له فناجيل ودلال عدى على كف المحبه وشاله خلا هواجيسي بلا قيد وعقال كلا سقط في فتنته من جماله وراحت تلاعبه على بحر الاهوال البحر بحره والمواني خياله كن القوافي صابها طيش وهبال من غاية المفتون جتها هباله وكن السحابه شوفها يشرح البال وانا اللذي براقها سر باله ياغايتي يافتنتي كل الاحوال ياطلة العمر الثمين وقباله ويافتنة البسمه تحت حبة الخال كن البرد في مبسمك من كماله شلت الخفوق اللي من منيزله شال والا على غيرك صعيباً مناله ماتدري اني لك دفا روح وظلال امشي على كيفك على كل حاله مصيونةٍ دره من الطهر تختال تلبس من حجاب المكارم نباله شيهانةٍ ماغرها كل حبال ماجابها راع الحيل في حباله لكن دهاية غير عن كل رجال وصعبك على غيري عليه سهاله ولاصار تفرقني وانا بين الازوال كبري بعينك طيب روح وجزاله الشاعر مساعدبن مزعل العنزي |
|
|
26-02-2022, 08:11 PM | #232 |
|
اخذة لي من صفوة الزين فنجال
لو كان وحداني مكفي الحاله فنجال رايق شفته ماله امثال ساقه على سوق الغلا واشتراله الا ويسوى له فناجيل ودلال عدى على كف المحبه وشاله خلا هواجيسي بلا قيد وعقال كلا سقط في فتنته من جماله وراحت تلاعبه على بحر الاهوال البحر بحره والمواني خياله كن القوافي صابها طيش وهبال من غاية المفتون جتها هباله وكن السحابه شوفها يشرح البال وانا اللذي براقها سر باله ياغايتي يافتنتي كل الاحوال ياطلة العمر الثمين وقباله ويافتنة البسمه تحت حبة الخال كن البرد في مبسمك من كماله شلت الخفوق اللي من منيزله شال والا على غيرك صعيباً مناله ماتدري اني لك دفا روح وظلال امشي على كيفك على كل حاله مصيونةٍ دره من الطهر تختال تلبس من حجاب المكارم نباله شيهانةٍ ماغرها كل حبال ماجابها راع الحيل في حباله لكن دهاية غير عن كل رجال وصعبك على غيري عليه سهاله ولاصار تفرقني وانا بين الازوال كبري بعينك طيب روح وجزاله الشاعر مساعدبن مزعل العنزي |
|
13-04-2022, 09:58 PM | #233 |
|
الحقايق لوتغطيها الغيوم
عينها تبزغ مثل شمس النهار لو تغيم كل ساعه ماتدوم ساقهاالغربي على حسب المسار مات حلم ولا قتل كل الحلوم كل حلم وله على الهقوه مطار يابقايا الامس لو طحنا نقوم وقفةٍ فيها معزه وانتصار لكن اللي مالها بالقوم قوم وقفةٍ تحسب على رد اعتبار كل طيرٍ بالسماء له وقت حوم ضاق صدر الطير والا الطير طار هفوةٍ تنجح لو الامر محسوم وهفوةٍ تخفق لها عين وقرار بالمناوي ناس رقتها النجوم وبالحقائق مالها بالدار دار دارة الدنيا على كل الخصوم وصالة الايام مافيها انتظار الشاعر مساعدمزعل العنزي |
|
18-04-2022, 06:00 PM | #234 |
|
حلم الليالي والزمن مثل الاحلام
ولارجي ورا صدات الايام شيمه ان كان دارة في قوانين الاحكام ضيم الغريم اللي سطا به غريمه لانشجب اليله ولاتشجب العام ولاتلحق الايام سب وشتيمه ياكيف شفت الحلم بعيون الايتام ماله على سطو الليالي عزيمه وترى السعد لو دام لك يوم مادام مثل السحاب اللي خصيمه نسيمه يمشي بنا الواقع. على بيض الايام والعمر يفنى والليالي مقيمه ناخذ من الواقع عبارات والهام وخيط الامل براق في متن غيمه من هزته بالوقت تحطيم الاقزام لفة اشماغه تستدير وتضيمه شد العزايم والصبر ماله ارقام والانتثني روس الرجال العديمه مال المراجل عز في غير الاسلام دينه وفرضه والنوايا السليمه يشكر ويذكر خالقه كل ماقام ويذكر من قلوب العباد الرحيمه ماهو من اللي يترك الفرض لاصام صفحة حياته كلها ارضٍ وخيمه ماصاحب. الا كل حاسد ونمام وينفر اليا شاف الرجال الكريمه حبل الرجوله بالزمن درع وحزام وفخر الرجل في حاضره لا قديمه ولاتحسب ان كل المواقيف قدام بعض المواقف شرعتها الهزيمه الشاعر مساعدالمزعل العنزي |
|
07-09-2022, 06:58 AM | #235 |
|
البروق تلوح والغيث في عرض المخيل
وكان طاح الغيث سالت جميع اشعابها في مكان سهيل نجمه تسمت في سهيل في مكان سهيل مدري وش اللي جابها الوفا والصدق يخلص عميلا من عميل وكذبة الكذاب ترجع على كذابها بالديار المخليه لازاهب ولا صميل وغارة الايام تفتل بروس اشنابها قرب منزال الاوادم من ايام الرحيل وقت ماطاحة عمدها وفك اطنابها غربة الواقع مساعي ولافيها حصيل غربةٍ ترمي محابيلها واسبابها ياقف الرجال له ماقفٍ ماله بديل ولو يطوّل ماقفه حاجته ماجابها اشهد ان الظرف طبعه مثل طبع البخيل لو تهقوى وقفته مايسد بنابها ياكبر فرقه عن اهل الكرم واهل الجميل لاانتخيت اهل المكارم تشب اعصابها والكرم واهله مفاخر. لنا في كل جيل وياعسى روس الكرم مايقفل بابها الشاعر مساعدالمزعل - [ ] |
|
27-09-2022, 06:04 PM | #236 |
|
سفيه قلب ولال قلبي معاليق
ومنين. ماهب الهوا لد يمه ويالله برزقٍ يبعد الهم والضيق يفرحني فرحة ضاميٍ شاف جمه وانت العضيم اللي تفك المغاليق لاصكت البيبان من كل يمه تبل ريق العبد في نشفة الريق ياللي شتات الشمل بامرك تلمه اطلبك يالرحمن حسن التوافيق وطلب نجاتك بالامور الملمه ويارب سمحها بوجه المطاليق اللي اليا طاح الرجل ماتذمه لوكان تال الوقت يلحق ملاحيق دورات بقعاء كل طيب تخمه مابيني وبين الهواجيس تنسيق شاعر يخفف ضيقته بوح فمّه والطير لامن ضاق لولا المسابيق يبيع ولفٍ سار بعروق دمه الشاعر مساعد المزعل |
|
03-12-2022, 04:51 PM | #237 |
|
ناسٍ امانيها على كف الايام
تمدح لي اعلوم الزمان المولي تقلب الاوضاع باليوم العام به خاطرا يكسر وخاطر يهلي ماكل من سموه غنام غنام ولكل مجلس لاجلسته يسلي بعض المجالس بين شاني ولوام لوكنت رجالٍ. حشيمٍ تزلي يسودها خبلٍ قطع وصل الارحام بعروض خلق الله معشي مفلي خلك مع اللي باللقاء درع وحزام والا تنحى للطريق المجلي ولاشفت بالدنيا متاهات وزحام احرص على وجه الكريم المصلي وترى وجودك رقم من بين الارقام في لحظةٍ تذهب ولالك محلي مساعد المزعل |
|
25-05-2023, 07:59 AM | #238 |
|
اذا حفظك الله من شر الايام
لاتبتلش من غدر سود النوايا الخلق نام ومالك الملك مانام نم واتكل يحفظك رب البرايا اللي تكفل فيك في وسط الارحام يجيك رزقك من جزيل العطايا وامرك بالطاعات في نهج الاسلام مابينك وبينه وسيط اوصايا بس اعبده بالحق في سر واعلام وسط المحن تولد اكبار الهدايا ورزقك يجيلك قسم من خير الاقسام ولاتبتلش خزاين الله ملايا على لسان اللي بصدق النبا قام محمد رسول الله خير البرايا الشاعر مساعدمزعل العنزي |
|
04-08-2023, 03:45 AM | #239 |
|
جيت يمك وانا ضايق وعابر سبيل
مامعي غير مشلح من بقايا جفاك الله اكبر تذكرتك بالزمان الجميل يوم اسافر على ارضك واهتني في سماك ودي بهرجتة عذبه وفنجال هيل مدها من يمينك ياعساني افداك جيتي لك هجاد وجيت في نصف ليل وعبرت لك عيوني من دواعي غلاك من غراما بقلبي يكسر المستحيل ويمزج البحر عذب وترتوي من ضماك جلستك لي على صوب النسيم العليل تبري اجروح قلبي جيتي في ذراك تدري ان عطرك الفواح ماله بديل والهوى يوم مرك لم عطرك وجاك الشاعر مساعدالمزعل العنزي |
|
06-08-2023, 01:21 PM | #240 |
|
بين اختلاف الهبايب والليالي واختلاف النجوم
والشمس تطلع وتغرب في عيوني مختلف لونها ياضيقة البال كفي وارحميني من كثير الهموم خيبات الايام تال الوقت كبرت قوة اطعونها مابين فية براد وبين هبة من لفيح السموم اكتب عبارة على الوقع تعبر عكس مضونها ان ادري امس غير اليوم وبكره غير عن كل يوم حتى العصافير بالايام تخلف نغمة الحونها ويالله يالدايد انت الدايم وغيرك حشى مايدوم ياناظرا. بالقلوب وعالم في سر مكنونها سحانك اللهم لاتاخذك سنه و غفله ونوم لاامرك وقدرتك يالله ياذعن الانسي ومجنونها يارب لاتجعل لعبد مقصر من عطاك محروم عطيتك يامليك. الملك. خلقك مايمدونها اجعل مقاسيم خلقك بالشفاء والرزق خير القسوم تسحد عبادك فرح عفوك وترف دمعة عيونها الشاعر مساعدالمزعل العنزي |
|
الذين يشاهدون محتوى الموضوع الآن : 35 ( الأعضاء 0 والزوار 35) | |
أدوات الموضوع | |
انواع عرض الموضوع | |
|
|