ديــــوان / فـلاح عــشوي العـنـزي

والله إني بالشن بأهل الغشامه=ماتحمل جمعت الناس الغشيمه
أبتلشت بناس مدري وش نظامه=خايف إني لارتكب فيهم جريمه
أتحاشا شوفه اللي به رخامه=وافتخر واعتز بالناس الفهيمه
ماتعرض الي مايثمن كلامه=وأخذ الموضوع بالفكر الحكيمه
أحترم أهل الوفا وأهل الزعامه=الرجال اللي نواياهم سليمه
كل رجل ياجماعه له مقامه=أعطي اللي يستحق قدر وحشيمه
مالحقني من ورى الطيب ملامه=رفقه أهل الطيب بالدنيا غنيمه
ليت لوبالطيب أتبين علامه=مل قلبي من كثر أهل النميمه
مابي من راعي الردى حتى سلامه=ولا جماله ولا رفاقه ولا عزيمه

عشنا معانات العمر دون تبريـر=وأكبر قهر لاصرت مقدر أقولـه
لامن كتبت أحساس صاحت تعابير=دكت طبول الحرب عزت خيوله
يابنت هالدنيـا طلاسـم وتغييـر=تبكي على مهر المشاعر جفولـه
في دفتر الاحزان نكت عن الغير=نكتب على صدر الكتابه بطولـه
دلو المعاني لاتحدر علـى بيـر=ماهو معين خير يسحب هطولـه
لاصار للحب فيه دولـه وتفسيـر=تدرين انتي شعب والناس دولـه
لوقلتلك شل الزمـن روح تفكيـر=وانتي حياه الكون عرضه وطوله
في ذمتي لمشيك درب ومشاويـر=وصعد على ظهر الزمان وأطوله
مبدع جزل جدا وبلوه وش يصير=لاشاف وجهك يبتسم في طفولـه
تنفجـر الدنيـا وحبـي نواويـر=ياغايتي أنتـي وحبـي وصولـه
أنتي حياه القلب لو هاجر الطيـر=سلمي تغني لي وروحي خجولـه

صحيح ان الحياة اتعاب مدام ان الزمان اتعاب=وانا ما اتعبني اكثر منك ياللي غبت عن عيني ..
ياليت ان المحبة روح مافيها جفا وغياب=بعد ماشفت وش سوى غيابك والجفا فيني ..
بعد ماكنت انا وياك جسم وروح صرنا اغراب=ولاعاد اقدر اشوفك بعد مكنت في ايديني ..
على غفلة تغيب من الوجوة وخاطري ماطاب =وانا اللي كنت ابا انسى كل شي بينك وبيني ..
احسب اني صبور ولا نفعني صبري الكذاب=انا ويني وين الصبر وانت اللي تباريني ..
على الحال ما اصبر في غيابك يابعد من غاب=عسى الله مايجيب الساعة اللي منك تنهيني ..
وعلى الحال ماعندك صبر ياقلبي النصاب=نهيتك للمتاهات الطويلة لاتوديني ..
عصيت الشور ماطعت الكلام ولاحفضت احباب=ولاتقوى الصبر بعد الفراق ولا تواسيني ..
حبيبي غابت الفرحة وغاب من الحياة اصحاب=وبقيت انت الوحيد اللي بها الدنيا مخاويني ..
تهب الريح بانسام المحبةلاتسد الباب=ترا الدنياتميل وعنك مامالت موازيني ..
تعال وكثر اعتابك علية كانها بعتاب=وانا اللي تطلبة في كل حالاتة بيرضيني ..
تعبت من السهر لين السهر مل وخفوقي ذاب=وانا بس انتظر صوتك لومرة يناديني ..
وش اللي علمك طبع القسا يالناعم الجذاب=وش اللي بدالك وانت بحنانك كنت تغريني ..
ترا اللي صار كلة والفراق اللي بدون اسباب=تراها ماتساوي قول تكفا لاتخليني !

عقب البطا..جتني تقول استمعلـي=ركز معي بالقول يـاذرب الايمـان
العرس قرب ..يابعد كل مـن لـي=مجبوره بالعرس والنـاس عـدوان
لامن بكيت وصحت قالـو تغلـي=هذي طبوع البيض في كل الازمان
ولامن سكت وقام دمعـي يهلـي=قالو رضيت بالعرس والصمت برهان
تاهم وتهنا يابـن الاجـواد ياللـي=بأديك حل يجعل القلـب فرحـان
رد الخبر والعلـم باللـي حصلـي=حيثي شرحت القول عن كل مكان
قلت اسمعي يابنت ماشوف حلـي=ماشوف بايدي حل ياخدر الاعيان
العرس قرب ميـر مالـك جدلـي=ياكود تطلب خالق الانس والجـان
ان الكـدر والهـم عنـك يزلـي=وتعيش بالدنيـا سعيـد وطربـان
مع الـذي عقبـي غدالـه محلـي=اللي خذاك اليوم ياصاف الاوجـان
خلك معه وارجـوك لا تتصلـي=وانسى بنسى ولا نيـاب ندمـان
مادام قربك لي بالسرف ماحصلـي=على الردا مابيك والعلـم وكـدان
وحب على غير الشرف فيه ذللـي=ومنهو رضاء بالذل يازين خسـران
القول تم وجيـت بالقـول كلـي=واشره علي ان كان بالقول نقصان

متى شمسك علي تعطف متى ليلك يحس فيني=متى ظني معي يصدق واشوفك بالعمر مـره
كرهت الناس من بعدك كرهت اللي يواسيني=كرهت ولابقى بالكون مـن خيـره ولاشـره
رضيت برفقه احزاني رضيت بشي يعنينـي=رضيت بحكمه أيامي زماني لوقضـى امـره
حبيبي لاتظـن البعـد حـل حلـو ينسينـي=ورب الكون ياحبي لقيت البعد اهـو الذكـره
تبيني انساك علمني مني عيني ومـن عينـي=ولكن حيله المبلـي اذا حبـك معـه عـذره
انا طبعي اذا حبيـت احـب بكـل مافينـي=اجل لو قلت انا احبك خيالي ماوسـع كبـره
حبيبي الحاضر الغايـب دخيلـك لاتخلينـي=أحس أيامي من بعدك حبيبي كلهـا حسـره
حبيبي هدني بعدك وأنا اللي فينـي كافينـي=ترفق يابعد عمـري وشلـي باقـي اخسـره
امانه مابقى فينـي غيـر العطـف يحوينـي=ولو أني خسرت العطف انا المجنون في أسره
أنا بعدك بقايـا أنسـان لوتنهينـي تنهينـي=ولكن قلبك الطيب بموضوعـي يـرد نظـره
لقيتك أجمـل أيامـي لقيتـك اروع سنينـي=لقيتك في خيال الشاعر اللـي مالكـه فكـره
أنا بعطيـك ماأبخـل بكـل ماتملـك يدينـي=ولوقلت العمر بقـول تستاهـل بعـد عمـره

سلام يانسل الحرار الحلاحيل=سلام ياشيخ يساوي قبيله
شيخ تعلا مطلع الجدي وسهيل=من روس قوم العاديه والنفيله
يامروري العطشان يامزبر الهيل=ياللي مواكيرك براس الطويله
ملكتني بالطيب ياشيخ بالحيل=ولو مامدحتك يالسنافي فشيله
تعطي ولا تبغى مدايح وتبجيل=متواضع ياطيب بنفس عليله
فيك افتخر يابن الشيوخ المشاكيل=دمث الحلق مافيك كود الفضيله
قلبك وبيتك للخلايق مداهيل=مفطور من صغرك لكسب الجميله..
ماتعتذر بظروف والا مشاغيل=طيبك فلا عينت طيب مثيله
وليا ادلهم الهم ثم اعمس الليل=تاقف ياشيخ سالم..وهمي تزيله
لله درك .. ياغناه الرجاجيل=لله درك ..ماوطيت الرذيله..
تفخر بك الاجيال جيل ورى جيل=زيزوم وفعولك نوادر اصيله..
منهو برك للحمل ملزوم بالشيل=وانا اشهد ان الحمل كله تشيله..
ياعزوتي ومركاي في ساعه الميل=ومن ضامته دنياه تشفي غليله..
واللي يقول ابغى على القول تدليل=ينشد ارامل مالقت من يعيله..
وينشد يتامى حدها الجوع والويل=وينشد ضعيف مالقا من يجيله..
عسى بحياتك ماتشوف البهاديل=يامسند ما ابغى سناد بديله..
علمتني ان المصاعب تساهيل=وان اجزل اشعاري بحقك قليله..

ياللي نسيت الـود شلـون بنسـاك=علمتنـي حبـك وصديـت عنـي
نسيت منهو صايـن العهـد ويـاك=ضاع الرجا من يوم خيبـت ظنـي
عذبتني بالصـد والهجـر مقسـاك=عذبتنـي بكثـر الجفـا والتجنـي
هذا جزى اللي رخص الناس وغلاك=الظاهر ان زينك هـو اللـي فتنـي
كان الفرح في دنيتـي يـوم لقيـاك=وكنت الامل في غايتـي والتمنـي
اتعبتني واتعبـت روحـي بفرقـاك=عقبـك شقـى الايـام والله سكنـي
لامن نسيتك هيض القلـب ذكـراك=ولامن ذكرتك دمـع عينـي غبنـي
راحت حياتي بين صدك ورجـواك=لاجيتني تكفـي ولا ابعـت عنـي

يادنيتي والهموم اللي من اسبابـي=يومك تقولين كاس المـر شاربتـه
لايشغلك لوبعينك كثـرو احبابـي=ماغيرك اللي تمنيتـه وصاحبتـه
مابي بها الكون غير مشاهدك مابي=لاصار حبك خطا ويكفيني اذنبتـه
ياماجيتك غرام يطـوي اركابـي=وياما رميت بعيونك طيف ماصبته
قل للهوى لو بغى ينشد عن غيابي=عذبني الشـوق بغيابـي وعذبتـه
مدام ثلج القلوب من البطـا ذابـي=والهم لجل اصلك من غربتي جبته
بالله بلـغ غرامـك ويتوصـابـي=لاصارهالقلب بين ايديـك ناهبتـه
ماني بقايل غرامك ويش سوابـي=يكفيني اللي بحالي حيـل سببتـه
ماشفت الجرح من دونك تسلابـي=ناشبني الجرح بغيابـك وناشبتـه
بعيونك الحب نظره تلفت اعجابي=لوكان قبلك كثير الحـب جربتـه

ياصغير علي الحين عظمـك جبـر=ذبحه القلب صابتني بطعنـه يديـك
والله اني حشمتك مير وجهك غبـر=كنت ادور نقا وجهي وانا مستريـك
يوم عينك محاجرهـا تهـل العبـر=ترتجيني دخيل الله وداخـل عليـك
قلت لي الف تكفى واتحـرى خبـر=اني اكون لك وحدك ولالـك شريـك
لين حطيت لك بيـن الحنايـا قبـر=صرت احبك وروحي كلها تموت فيك
كم تمنى خفوقـي غيـرك ولاقـدر=كل من قال ابيك اقول لـه ماأبيـك
غير كثر الوفا من صاحبـك مابـدر=مع حنـان بعـدي بالعطـا والديـك
في غيابك ملا جوي حزن مع كـدر=كل ليلـه تمـر الا وأنـا محتريـك
ماتوقعتهـا منـك يجينـي غــدر=وأنك تخون ..ومنين الخيانه تجيـك
حب خليـت فيهـا حـب ولا قـدر=قلب هو عاد به قلب لجـل يحتويـك
صبرعفتك ومن سبتك عفت الصبـر=دام منـي نهيتـك لاتظـن ابتديـك
كنت غالي على الخفاق مـر وعبـر=غبت محد غصبك والف من يقتفيـك
رحت وارد وغيرك بالمحبه صـدر=وانت خل الخيانـه عدهـا يرتويـك
كان عمرك كبر قدرك ترى ماكبـر=عقب شفتك بعيني حسبي الله عليـك
من ضحك لك تجيه ولاتصدق خبـر=صدمة شيبت عين وخفوقـي يبيـك
والحقيقه حشمتك مير وجهـك غبـر=أه يالظلع الاعوج خاب من يرتجيك

يامعذبن قلب المولع في هواك=أرفق حبيبي شوي لاتكثر زعل
ترى الزعل لازاد عن حده هلاك=وربك لكل أنسان له حدن جعل
خلك على خبري مسميك الملاك=أضمك بعيني وأسمي ياعسل
وهذا وبعد انطر متى تمطر سماك=مشتاق للورد الاصفر بالسهل
أبقطفه بس عاندني حصاك=رفض رفض رفض ثم اقبل
ومشتاق للعين والماي وضماك=والضمى فينا نسده بالغزل
الحلا فيهم ترى كله حلاك=بس فيهم زود عنك بالجهل
يحسبون الي مضى كله معاك=ضحك وشويه الاعيب وهزل
الناس هذي لاتعشيها عشاك=حتى ولو كنت ذابحلك جمل
ماهو بخل بس هذوله حشاك=يزرعون الشر زرعن بالهبل
لا تلتفت للي فوقه مستواك=وخلك مع الي قال ثم فعل
واذا تبيه يزيد فيني غلاك=أرفق حبيبي شوي لاتكثر زعل