ترانيم بوح .. للشاعرة أصايل

لمسة وفاءٍ وتقدير لأختٍ قدمت الكثير من الوقت والجهد لـ هذا الصرح لإدارية فذّه من الطراز الأول لـ كاتبه وشاعرة لم و لن ننسى حروف قلمها وبوح إحساسها النقي والشفاف ,,, هُنا سـ نجمع حروفها البيضاء المبعثره لـ تظهر لنا كل قصائدها الجميلة ذات الحس الإنثوي الطاهر ,,, لـ نضعها أمام كل متلقي ومحبيّ الشعر وكذلك حفظا ً لـ حقوق شاعرتنا الأدبية ,,, هو إجتهاد شخصي بسيط لأخت الجميع الشاعرة والكاتبة القديرة (( أصايل )) آمل أن أكون وفقتَ به أطيب المنى لـ جميع من قرأ ALIGN]

.....

ديوان الشاعرة والكاتبة أصايل (( ترانيم بوح ))

عشق بدويه

لا تبتعد إقرب و خل العين تروى منك شوف=يكفي ترى بعدك ضما و من دون قربك ما أرتوي
عطشانه لشوفك و من دونك وقف عسر الظروف=حالت و خلت نازح الأبعاد يطويني طوي
عليك سالت دمعة الحسرة و فركت الكفوف=من يوم رحت و كل دقه مع جلاله مستوي
ما جابك إلا جهد من دونك نسى معنى الوقوف=يمشي بطوع اللي لقربك دوم قلبه مهتوي
و يوم إستنرت بشمس قربك عاودت بي للكسوف=أظلم نهاري و الضعيُف دوم في حكم القوي
ويوم إلتقيتك ناف حالي فوق كل الناس نوف=عشق بدويه حالها نشوة سبب عشق بدوي
متميز و لا لك شبيه بالمزايا و الوصوف=ترقى سناد و غيرك بقعر العميقات يهوي
ما يلتقي بك غير من رتب له الحظ الصفوف=و غنا أنا لك يا خويي كنت لك نعم الخوي
و غنا بها له سامرية لحنه ضرب الدفوف=يقول يا ذيب الفلا رديت يوم أنت تعوي
و ردت نجوم الليل صوتك و أنت بالصوت معروف=جيتك أدرج خطوتي و الدرب دونك ملتوي
يا سعد حظ اللي له أطيافك غطت كل الطيوف=كل الطيوف السبع لا طيفك تبين تنزوي
يا نعم حظ قربك و أسعد خفوق بك شغوف=قلب سبب حبك رجف دقات يدوي به دوي
مير البلا إن الوقت أقفى بك و عيا لا يروف=في حال من صدره بدونك عرق خفاقه ذوي
و ما ظنتي حبك لجا و إلا سكن في وسط جوف=كثر الذي جوفي حوي و القلب وسطه محتوي
حقي عليك إسفط عذابي و إجدعه فوق الرفوف=ذكرى لعلك تذكر اللي من صدودك منكوي
وحقك علي إني أكف العين لا يمكن تشوف=غيرك و لا ظني ضماه بشوف غيرك يرتوي

اصايل

جيتك أجر خطاي وأشيل الذنوب=وأجر روح(ن) مثقله بأحزانها جيتك وجيتك مهرة(ن) شقرا لعوب=ولاكل أرض(ن) تنوطي ميدانها جيتك مع سنين الزمن حلم(ن) كذوب=يصعب على العرافه وشيطانها الناس قسمتها الضحى وأنا الغروب=دنياي لامالت تميل أزمانها ياقلب ماباقي عمر متى تتوب=ومتى السعاده تنفتح بيبانها ياقلب ماظنك على ذلي مغصوب=خل المحبه وصلها وهجرانها البعد عن درب الهوى أجمل هروب=ماعاد تغري زخرفة الوانها أصايل

أنا الحزن وإنت الفرح وإثنينا متخالفين=طول العمر نمشي غلط مانعرف الراي الصحيح أنا الروح وإنت الجسد لكننا متفارقين=هذا القدر مامن مفر مكتوب بالخط الصريح مانلتقي حنا أبد بدروبنا متعاكسين=دربك يمين دربى يسار دربي صعب دربك مريح فيك الرجوله ترتقي متأصله بحبل(ن)متين=ليمن نخيتك تنتخي إترد علي من قبل أصيح عوضتني حب الأهل حب الأنا والوالدين=عقب العنا عقب الشقا قد صار قلبى مستريح لكن قدر طول العمر إثنيننا متخالفين=بخل زماني بشوفتك يجزاه من وقت(ن) شحيح اصايل

أخواني الكرام الأخ الشاعر القدير منصور الشاعر وجه لي قصيدته ..ببصمة شاعر فكانت هذه القصيده ...وهذا الرد .. وأعتذر من الشاعر القدير فلايمكن أن تسمو حروفي لشموخ حروفه ولكن ماهي إلا محاولة شكر أتمنى أن تليق بذائقته تقديري وشكري للجميع قصيدة الشاعر منصور الجلعود... الأصايل يا أصايـل ماتجيـب الا الجزايـل=وانتي يالبنت الأصيله جبتي للشعر الجزيلـه يوم هاض الشعر صحتي فوق قبات الأصايل=بارق الشّعار يبـرق ويـن خيّـال المخيلـه من يخيل بروق شعر ٍ سيلها عـم ّ المسايـل=كل فيضه من فياض الشعـر سيّلهـا مسيلـه له بعسف القاف فكر وله بحور ولـه دلايـل=وله معان وله بيان وله خليـل ولـه خليلـه وله شعور وله حضور وله خطاب وله رسايل=وله قوافي وله حواشي وله مواويـل ٍ وشيلـه وله زمان وله مكان وله حساب وله مسايـل=وله هجوس وله نفوس وله مع الغايه وسيلـه وله طباق وله جناس وله ظروف وله وسايل=وله جذوع وله فروع وله حصاد وله حصيله وله لكيف الراس بن ٍ أشقر ٍ بالوصف هايـل=حمسته لامن حمسته تبـري النفـس العليلـه وله لكيف العين خشف ٍ وصفها ماله مثايـل=لاقصيـره لاطويلـه لاسميـنـه لاهزيـلـه وله لكيف الأذن نجـر ٍ دنتـه مالـه بدايـل=صوت نجره يوم دنه صوت ذيب ٍ بالطويلـه وله دهايا وله فطاحل حدهـم حـد الصقايـل=مثل ابن كلثوم عمرو ومثل الأطرق ذيب جيله وله سلام الله عليكم عزوتـي ياعيـال وايـل=محزمي ياتاج راسي يا هل ّ الخيل الأصيلـه و هذا ردي على قصيدته والعذر والسموحه منه .. بصمتك ما هي خفية و لا هي بحاجة دلايل=جرة الذيب معروفة ما تبي عرف و دليله وافيه بالكيل دايم و انت فوق الكيل كايل=لا وصل كيل القصيد لعندكم زودت كيله تقتطف واف القصيد و ينكتب عنّه هوايل=لا نشرته قيل عنها معجزة عصما مهيله ما تعيقك كايدة بالشعر متميز و طايل=و لا يكودك قاف لا لا و لا تعيقك مستحيلة بيت شعرك معتدل واقف و لاهوب متمايل=شايلٍ بالشعر معنى بيوت غيرك ما تشيله لا اقبل الشعار كلن يحمل اشعاره مثايل=جاك منصور بقصيدٍ وافرٍ مالي شليله كم مع كيف و معاني و غيرهن ما من صمايل=أجبر الناقد يقول لشاعره ما فيك حيلة شاعر اليوم الفرزدق جا لكم من غرب حايل=من سميرا جاب شعرة من طويلة لي طويلة هو ابن جلعود صايل بالشعر مبطي و جايل=سيل الوديان شعر و ذا رذاذ من اصل سيله جاك ردي و ليت ردي يا ابن وافين الخصايل=يافي لما جا منـكم والعـذر ان مـال ميــله

بنت لاكني عنيدة و افتخر بعنادي=بنت لاكني على رد القسى معتاده واعيه وقت القعاد و واعيه برقادي=يوم غيري قعدته متساويه ورقاده ما يطوعني قصيد و اغنيه و انشادي=و لا يحركني غرام و ناره الوقاده و لا تحايلني حيالت واحد معتادي=للحيل و الغدر و الخونه و مثله عاده افتخر اني فرس محدن عرف لقيادي=و لاني بصيده لمنهو قال ابرمي صاده و لا انجرف في سيل كذب و لو يسيِّل وادي=اتخايل غيمها اللي ما سمع رعاده و افتخر اني دليله يوم كلن غادي=و للطريق الصح دايم خطوتي منقاده قلتها للي بقوله طاغي و متمادي=يحسب ان الناس واحد الفها و آحاده هرجتي للي تجنا نارها وقادي=ارمي اهدافي بلمسة اصبعي لزناده و هرجتي عد قراح لصادر وورادي=من مشو درب السلامه يمها وراده من صفت له نيته يشوف حرفي عادي=و من تخونه نيته يقول فيه زياده أصايل

مدخل ..........

رحمك الله ياطلال الرشيد ...فقد قلت وصدقت وأوجعت
ياصغير مايكبرني لقب ومايصغرني اليا أنكرني صغير
وأنا أقول

هيه ياحيف الشوارب والرتب=ياصغير افزع وعاون لك صغير
ياضعيف مرتكى مركى خشب= والخشب يجبر بمسمار الكسير
افتخر لولاي هامه ياذنب=مادعيت من اجل تنطحني شوير
وافتخر لاجيت يبلشبي عرب=ويجتمع لي فوج شوار ومشير
الرجوله طبع مو دقن وشنب=طايله ماطاله اذراعن قصير
والطيور اصناف وانواع وشعب=ماتساوت لو بجنحانه تطير
ولاقريت ولا سمعت ولا انكتب=يفرس اشيهانه البوم الحقير

مخرج
لن يكون هناك مخرج ...

ديوان يستحق القراءة 00 لشاعره تستحق التصفيق 0

شاعرتنا وكاتبتنا القديره أصايل 00 كثيراً ماأتحفتنا بروائع حروفها سواءاً بالشعر أو بالنثر أو بالخواطر 0

حتماً سأعود لهذا الديوان لأقرأه بكل تأني وهدوء ولأستمتع بكلماته ومعانيه 0

شكري وتقديري للأخ عويد بدر الهذال على جمع هذا الديوان الجميل هنا 00

تستحق كل التقدير غاليتي اصايل دائما تتحيفنا باروع المواضيع الجميلة من خواطر وغيره
الف شكر لك اخى عويد هذا الجمع المميز
تقديري لك