ديوان الشاعر/ عبدالله فهاد البجيدي

بسم الله الرحمن الرحيم تم بحمد الله تعالى افتتاح ديوان الشاعر العذب :عبدالله فهاد البجيدي وسوف يضم جميع قصائد الشاعر اللذي يحرص الكثير على متابعة جديده ونحن هنا سنقراء مايليق باالذائقه .من عذب المشاعر وجزالة الحرف والمعنى اتترككم للابحار بهذا المحيط

مساء الخير احبابي .
ستكون قصائدي في هذا الديون البسيط بإذن
الله تعالى .
والف والف شكر
اخي زايد الدغماني
والله يبيض وجهك يالعزوه .

البارحه مانمت ضايق ومغبون=عيو علي بالنوم ناس غشيمه
ناس بفعله تغضب الرب وشلون=بأسبابها خشاش الصحاري سقيمه
زمل عليه العفش ومحزم عيون=قام يتخبط وانتثر بالعتيمه
وين الرجال اللي من الله يخافون=وين الرجال اهل العقول الحكيمه
البل عطايا الله لها عشق مجنون=ما غيره زود ونقص بقيمه
يامغلين الذود تكفون تكفون=ما للفسق إلا عواقب وخيمه
مدري جهل بالدين والاتعرفون=والا هياط ونفعها ظل غيمه
تباشرو بيناتهم جاك مزيون=كنه يبشر بالعراق العظيمه
ناس توكل طفلها خبز بديون=ومليون يصرف في براطم بهيمه
إن كانكم للخير والطيب تشرون=ياكثرهم أهل البزور اليتيمه
شوفو عزيز داخل الحبس مسجون=مسجون من كثر الكرم والحشيمه
وألا عجوز ضامها الوقت والهون=ضناه واحد رافضاته حريمه
الجود والاحسان والرفق والعون=أربع ماهي بدروبكم هالعقيمه
ياليتكم ناس حريصين وعفون=ولا نعمة تنكب عسى الله يديمه
انا بدوي في سلمنا حيل مفتون=واذواد نملك بالسنين القديمه
يوم إنها مابين طاعن ومطعون=نذود عنها ماخذوها غنيمه
يالايمي لو لك معاوين ومتون=ما زعزت شخص فرد بالشكيمه
الحمد لله دايم إبليس ملعون=النفس تصبر لو ظروف أليمه
تبطي ويبطي من بنا عمره ظنون=اموت لكن ماتشوف الهزيمه

عبدالله فهاد البجيدي

من اول غالي على الروح نبديك=واليوم لو تحتاجني ما وصلتك
من اول بين المخاليق نفديك=واليوم لو تاخذ سنه ما فقدتك
من اول حبك اسرني بياديك=واليوم شفني سالين ما ذكرتك
من اول اشتاق صوتك واحاكيك=واليوم يزداد الوله ما زهمتك
من اول اقطع مسافات وآجيك=واليوم خالفة الطريق وهجرتك
من اول محدن بعيني يحاليك=واليوم حتى بريشتي ما رسمتك
من اول عطشان كلي يناديك=واليوم لو إنك نهر ما غرفتك
من اول اعرف وش اللي يسليك=واليوم كنك مسأله ما فهمتك
من اول طيفك يجي بالشبابيك=واليوم جتني صورتك ما عرفتك
من اول صبر الجمل بالمهاليك=واليوم عظمك منكسر ما حملتك
من اول تعرف من اللي يواسيك=واليوم انسى يوووم إني عشقتك

دخلت قلبك يالغلا وما تقهويت=أثرك تعيش بقلب فارغ معاني
جيتك اسابق خطوتي ما تعاليت=عطشان وابغى إحساس يروي كياني
وصفعتني بتجاهلك ثم قفيت=وتزلزت أرضي وانا في مكاني
وش نوح ياخلي عن العهد صديت=وانا عطيتك ما سكن بالمحاني
أسرفت في حبك وعن الغير عييت=وفيت يوم الكذب شاع بزماني
أنفاس صدري كلها بالتناهيت=لأجلك تحملت الشقا لو حداني
أتذكرك وأدري خطايا بتوقيت=أستغفر الله لا سمعت الاغاني
إنظر لحالي وأرضني بكلمة أخطيت=وبلل عروقي بالامل والأماني
والا إقتلن في قولتك ما تغليت=ولا ابغاك تسكن في خيالي ثواني

ابقى نجم

مشكورياوقتي على الصد مشكور=اقولها مشكور بصدق العباره
ان قلت لي مسحوراقول مسحور=وش ينفع المسحورقوة نعاره
تضحك علي وتحطني شخص منصور=واللي غلبته قلدوه الصداره
من عقب ماني من طولين الاشبور=اخاف اخثع في طريقي بزقاره
باسباب مافي القلب من هم مستور=وقعت مثل اللي كسرالف غاره
خليت حزني والالم شي محصور=وضلوع صدري من يمين ويساره
أضحك وأبين للملا سن مسرور=وأنا حرقت الكبد بكاس المراره
عزاه ياقلبي مقيد وماسور=عليك من سحب المصايب غزاره
امشي مع الوديان خوف ومجبور=مكسور ودروبي على راس قاره
جبت الثمينه من محيطات وبحور=واليوم أغرق بالعدل والغضاره
لي فرحت ابيه من سنين وشهور=صابر ابي قربه يطفي الحراره
راحت وخلتني على درب مهجور=ياعل ما اشوفه ولا اشوف داره
من شانها احب نفسي ومغرور=واموت جوع ولا اتعلم طراره
أموت واسمي يندفن داخل سطو=ابقى نجم ما ضيعته الاناره
ياخوي لا جيتن وانا داخل السور=وصيتي بقبري تحط الاشاره
إشارةٍ ماهي لاماره ومشهور=لقبر العزيز اللي رفض كل عاره

عبدالله فهاد البجيدي ,

قلب صدام

مع السلامه ياجميلات الاحلام=مع السلامه من منامي محذوفه
لاصار خلي ناكرن ماض الايام=احرقت انا ليل السعد مع كشوفه
غلطه ويشهد نوح حبري بالاقلام=إني عشقت ولا توقعت عوفه
يابنت كل الحزن والهم وآلام=ذيابة صارت لقلبي تحوفه
مشاعري تقصدبك اشواق وهيام=وفيت لك والغدر كل يشوفه
يابنت عمري ماترعرع بخدام=عشته على صد الزمان وظروفه
الارض رمضا ما شكت منها الاقدام=والوجه يضحك مايبين كلوفه
يابنت راس المال فزعات ضرغام=وقول النشاما مايخلي ضيوفه
يابنت انا قلبي مثل قلب صدام=يموت عز ولا تثنى سيوفه
إن مارفعت الاوله بين الاعلام= مافيه شي يستحق الحسوفه
راسي رفيع ولا يدنق للاقزام=محيت منهو شايلاته حروفه
هذي خلاصة شاعرك عاش مقدام=اللي بلسانه من ينابيع جوفه
سلمني التاريخ عشقي على خام=يقول فكه والهبايب تلوفه
واليوم فوق شداد بيديني خطام=درهمت درهاما بليا نكوفه
يارب تنسيني وفا ذيك الاعوام=والذكريات اللي مضت لي مخلوفه

عبدالله فهاد البجيدي ,

قصيده مسنده الى بحر القصيد ( عويد كسار )

ياعويد الكسار وين التدابير=وين الحلول الوافيه في عذابي
انت البحر يوم إن غيرك صنابير=وإنت القصيد النيرٍ يوم غابي
شعرك يفجر داخلي الف تفجير=يصك ويفتح للشعر كل بابي
ياعزوتي كني على حفة البير=عجزت اميز صاحبي والمحابي
سريت في ليل العشق للغنادير=و لاكسبت الا الشقا والعتابي
غيري يصيد دون حرفه وتدبير=وانا درست علم التفاقه وخابي
حظي تولجني على غير تبرير=يميل لو إنه يشوف السرابي
العشق خلاني اسولف مع الطير=والطير مبعد بالسماء ما درابي
لي عام بالفرقا وحكم المقادير=وصفحات فكري إنتهت في كتابي
الصبر عيا رافض للمشاوير=اللي بقت في طرد حب غدابي
عطني حلولك ياحفيد المناعير=والا اتركن واعيش باقي عذابي

عبدالله فهاد البجيدي "

رد الشاعر عويد الكسار

ماشحت بهداج قطره من البير=خذ عزتك وارحل معي لأغترابي
ياذيب كفك ما أتعبته المشاوير=خلك معي ياذيب ليل سرابي
مني لأبن فهاد جزل التعابير=بآخر طريق العشق يوم إنتهابي
بين الوضوح وبين رسم التصاوير=ما طلسمة بالناي رحلة عذابي
إلا إنها حظ الزمن والمقادير=آخر حلول المسأله في كتابي
دامك عطيت القلب خل المعاذير=لا تطرد المقفين لمح السرابي
ماشحت بهداج قطره من البير=خذ عزتك وارحل معي لأغترابي

الغلا والشوووق

ياللي نسيت الغلا والشوق=يكفي من الوقت ماجاني
طوقتني بالحسايف طوق=وخليتني صدق ندماني
خذيت قلبي بليا عوق=ونهاية صرت خسراني
عطيتني وعد بالمنطوق=وانا على الوعد ضمياني
راع الهوا دايم مسروق=في عهدنا وعهد جداني
اسوق ما املكه لك سوق=وانسى الجماعه وخلاني
يابنت جرحي غدا مفتوق =اقضي على الهم واحزاني
الناس ماترحم المخلوق=ولا تقدر فلان وافلاني
اصد عنهم كما المصفوق =واجلس بعيد وحداني
الحزن خليته بصندوق=ماينعرف كود بلساني

عبدالله فهاد البجيدي ,