ديوان الشاعر/ سلوم السبيعي

مثل الرحا دنياك يـوم استـدارت=دارت بنا ياصاحبي يـوم فـرت
فرصة عمر من يدك وايدي طارت=طافت ولا ادري كيف الايام مرت
من ايديك وايديـه لياليـك نـارت=يازينهـا يازيـن لـو استمـرت
فرقاك مع ضيم الليالـي تبـارت=هم ونكد ياناعـم العـود جـرت
شوفي حياتي كيف يابنت صـارت=من غبت عنـي والليالـي تبـرت
سود الليالي يـوم غبتـي تثـارت=مني بعد ماغبتـي المـوت ورت
يابنت انا لوعـات قلبـي تغـارت=من يوم هقواتي مع الحب غـرت
لو الليالي مـن جديـد استـدارت=لا رد لا يام(ن) قبل وقت مـرت

بيت مفروش

معـاه عمـري لو قضيته بخربوش= احلى لك الله من قصور المدينه
خربوش(ن)اسعدبه ولابيت مفروش=واقسم رغيف الخبزبيني وبينـه
للي عليها صوت وعيون ورمـوش= ياشيب عيني يوم يغضي بعينه
انا ذبحني كاحل العين مـريوش=عين المها ماشفت ملحه وزينه
لاغاب عني صرت ضايق ومربوش= وان جاني اشعرفي هدووسكينه
فديت من حرم على شاني الغوش= يفـداه عمـري مـاتغـالا سـنينــه
منساه دام انه على القلب منقوش= والبعـد مـاينسي ظنين لظنينـه
معاه عمري لوقضيته بخربوش= احلى لك الله من قصور المدينه

	لها الصوت طوّح يامحلا بيـت الشعـر بالوسيعـه=وابل وغنم لـبيوت بدو(ن) تروح هذا طرب قلبـه وهـذا ربيعـه=تحن لا منه لها الصـوت طـوح راعيه لا يهـدي ولا هـو يبعـه=طربان في وسط المغاتير مـوح وضح(ن) ومعهن للقرايب وديعه=كل(ن) تفقـد ناقتـه يـوم روح مرباعها الصمـان والا الرفيعـه=وضح(ن) تلافت يوم بيديه لـوح ارضه ربيع وفاح ريح الطبيعـه=ريح الخزامى والبختـري تفـوح ياطيب وضحه والطبايع فضيعـه=تمـد وان شايـع عليـه اتـروح

تلبيه لطلب الاخ الغالي الشاعر/ فايز العبدلي

القصيده من قديمي ايام البدايات





قالت صباح وقلت مرحب مسا الخير
ماعاد اميّز بيـن صبـح ومسايـه


يوم ٍ شفت اللـي لهـا كـل تقديـر


زايد غلاها ساكـن ٍ فـي حشايـه


عجزت لا اْنطق لا اتكلّم ولا اسيـر


واقف ولا ادري سرعتي من بطايـه


اكن واقف واتوقـف عـن السيـر


وان شفت زوله زاد زولـه بلايـه


احتار لا شفته مـع النـاس واحيـر


طفل ٍ لك الله هـو سبايـب عنايـه

قضيت عمري لجل اشوفه مشاويـر


عطيـت والله مـا بخلـت بعطايـه


اللي وقف لـي باليـال المعاسيـر


انـا وقـفـت بجانـبـه للنهـايـه

هات القلم ياشويش واكتب بقرطاس
واتعب يابو فواز بيض القراطيـس
الطيب لك عاده وانا ارفع بك الراس
رفعت راس اللي يدور النواميـس
لك موقف(ن) بالطيب ياطيب الساس
عند اللوازم ترخي الجيب والكيـس
بك ميزت(ن) ياهوه عن باقي الناس
انا اشهد انك من خيار السناعيـس
اشهد شهادة حـق للطيـب لبـاس
لبست بافعالـك جميـع المقاييـس
جيتك انا من زايد الهـم والبـاس
والقلب مني حطمتـه الهواجيـس
على حبيب(ن) حال من دونه الياس
وبيني وبينه حـال حـد ولواليـس
كني عقب ماغاب ياهـوه بحبـاس
حر(ن) وانا ياخوك مثل المحابيـس
حبه بقلبي مالـه حـدود وقيـاس
ريم(ن) ملك مكنون قلبي بلا قيـس

لاغبت عن عيني تغيب الوناسه=تصبح حياتي باهته ما لها لـون
غيبتك عني معضلـه وانتكاسـه=تهوي بقلب من عنى البعد مغبون
علل غيابك قول وشهو باساسـه=ياليت للعشاااااااااق مبدا وقانـون
هي غيبتك باسباب ولا سياسـه=تبي تشوقني وانا فيـك مجنـون
كل الفرح في دنيتي انت ساسـه=وكل البشر في غيبتك مايسلـون
حبك على قلبي معيـن حراسـه=والله ما غيرك به القلب مفتـون
ارضخ لحكمك واعترف بالرئاسه=وانك على قلبي ملك لو يغـارون
يا بعد من حبك ويا تاج راسـه=لاتبتعد عني ترى البعد ملعـون
ارحم خفوق القلب يا اعز ناسـه=أرحم قبل ما اهله لفرقاه ينعـون

الشاعره/ غموض الشمال



مجاراة قصيدة الاخت العزيزه الشاعره القديره/ غموض الشمال

الـحـــب مـــن خـــربـــط مـــزاجــــه وحــاســــه=وقـلـبــه تـخــربــط مـــع هـــواء كــل مــزيـــون
الـــوقـــت لا حــــده عـلــى فــــراق نــــاســــــه=حـــــده عـلـى فـــرقـــاه والـبــعـــد مـلــعــــون
كـــم واحــــد(ن) والـحــــب شـــيــب بـــراســـــه=ســـبــب عــقــب مـــاغـــاب لــه جـــرح وطـعــون
الـحـــب مـلـعـــون الـجــــدف مــــن اســـاســــــه= لـــه عــنـــد مــــن يــفـهـــم مـبـــادي وقـــانـــــون
اصــبـــر يـبـيـــن مــــن صــــدق لــك احـســاســـه= يـــبــــن لا بــيــــــح خـــفــــى كــــل مــكــنـــــــون
غــمـــوض قـــالـــت مـعـضـــلـــه وانـتــكــاســـــــه= وقـلـــب(ن) هـــواء مــــن جـــور الايـــام مـغــبـــــون
كـــم عـــاقـــل(ن) والـحـــب قــطــــع انـفـــاســــــه=عـــاقــــل ولــكـــن بــعــض الاحــيـــان مــجــنـــــون
الـــوقــــت لا شــــــدد عـلـيــــك الــحــــراســــــــه=وشــلــون تــــوصــــل لـــه بــعـــد وانــت مـسـجـــون
الــحـــب مــــن خــــربـــط مـــزاجــــه وحـــاســـــه=وقـلـبـــه تــخـــربـــط مــــع هــــواء كــــل مـــزيــــــون

سـلــوم السـبيعــي

تاريخ شجعان

لاقيــــل مـقـحــــم وابـــن عــيــــده وعـــــذال = احـس راسـي فــوق يــرفـــع عـقــالــي
لاجـــاء ذكـــر اللـي لــهـــم صـيـــت وافــعـــال=افـخـــر بــهــــم وانــــط راس الــعـــوالـــي
مـــــاذل واحـــــدهـــــم ولا ذلــــــه ارجـــــــال= والــذل واللـه مــاعــطــــولــــه مجـــالـــــي
الــظـــول مـــاخــــوف صــنــاديـــــد وابـطـــــال=اقـــولــهــا صــحـيــــح مــانــــي مــبـــالــي
صــالــح يــخــوض الــقــوم بــاقــفـــاه واقـبـــال= النــار حـمــــراء يــــوم صـــال الـــوصـــالـي
مـــن هـيــبـــتـــــه يــــرعـــب ثـمانــيــن خـيـال= لــولاه فـــارس قـلـــت فــعــلـــه خـيــالـــي
مـــانـــي بــاجـــامـــل كــلمـــة الـحـــق تـنـقــال= نــقـيــت قــولــي يـــومـــي اكـتب مـقـالــي
يــاللـــي تــبـــي تــاريـــخ شـجعــان تــغــتـــال=يــصـعــب عـلـى شـرواك كسب المــعــالي
مـــاكـــل مـــن يــصـــدق لــك الـهـــرج لا قــــال= ولاكــل قـــول(ن) بـــالــمجــالس يــقــالـــي

في مدحت اهل الطيب مرغم وملزوم=ملزوم ٍ اقنص بالقلـم والكتااااايـب
يدفعني الهاجوس في ساعـة الحـوم= اصيــد فكـره مــاعليهـا طلااااايـب
فكره وحش مــاوقّفـو فــوقهـا سـوم=ولاذيّـــرت مـتـقفّـيـــه للهبـااااايـب
شاعـر واغـوص بغبت الشعر واعــوم= ماني من كبار الجراجيـر هااااايـب
حـاكـم ولكن بعـض الاحيـان محكـوم=اعيش صلب وبعض الاحيان ذاااايب
احسني فـي بعـض الاحيـان مكتـوم= واحسني في بعض الاحيان غااايب
يمكن جنـون الشعر يلبسنـي هـدوم=لاشك اخطي واغلب اوقات صااايب
اسـرّهـا فــي قلبـي علــوم وعلــوم= ما احب اساجل غير فطن اللبااايـب
سـلام يــاصـل سالــم الفكــر سلّـوم= سلام ٍ اسما من سمـو السحااايـب
يــاصـاحبــي سلّـوم منتــه بملـيـوم=في حـب ربعك لابتـك والقـرااااايـب
اللابة اللـي شـانـهـا فــوق مـزمـوم=حـد النجـوم الساطعـات اللهاااايـب
الطيـب فـطــرة بـالـرساليـن معلـوم= واللي تــردى مـذنب وغيـر تااااايـب
يعــدّ حـالــه نـــادرة مــالـهــا تــــوم= تبقى على نفسه وترجـع نكااااايـب
والا السواد الاعظـم ومجمـل القـوم= طيب وشجاعة) من شباب ٍ لشاايب
مـتـوارثـيـن المــرجلـة امـس لليـوم= والطيب وهبه من جزيل الوهاااايـب
عـرفـا سناعيس / النبا ريح قيصـوم=عـرفا مقـابيس الوغـى بالحرااااايـب
قلته وانـا مـن قـوم ٍ حشـام وقـروم= اللـي تحــدد بــالمــلاقــا ركـااااايـب
دهامشة مـن ضـدهـم صـار مضيـوم=يصير مـن عقـب البطـولات خااااايـب
دهامشـة ذبــاحـــة الكبـش والكـوم= ريف الهشيل مطوّعين الصعااااايـب
هـذه خـلاصــة فكـرتـي جعلهـا دوم=اعــد مــاشـفتــه ولانيـب جاااااايـب
غـيـر الحـقيـقـة والمشاعـر لهـا زوم=تعطيـك صـورة واضحة للحباااااايـب

الشاعر/ جمـال اللميـــع


الرد على قصيدة الشاعر/ جمال اللميع

يـــامنـقـــع المـعــروف والطـيب لــك دوم =حلحـيـل مــع طيـبـك تـحـل الـصـعـايـب
لـك سـيـف مـن جــدك مـجـرب ومـسمـوم= سـيـف(ن)لك الله فـيـه تـنطـح كـتـايــب
جـمــال مـــن تـــاريـــخ جـــدك لــك عـلــوم= جــــدك وابـــوك مـحــدديـــن الــركـايـــب
عــــدوكــم مـــاذاقـــت عـيــونــــه الـنـــوم=مــن زود هـمـــه نـــط راس الــرقــايـــب
دهــامـشــه تـــرقــى عـلـى راس مـزمــوم= مـاحـسبـو لـلـي غــزاهـــم حـسـايــــب
مـــع الـشـجـاعــه طـيـب واحـشـام وقــروم=عـــدوهــم يـشـرب جـمـيــع المـصـايــب
المـــوت مـنـســي عـنـد نـطـاحـت الـقـــوم=شـجـعــان لاهــبــت هـبـوب الـحــرايـــب
دخـيــلـهــم بــامـــان والـجــار مـحـشـــوم= يـنسـون مـن جـاهــم جـمـيـع الـقــرايـــب
يــامــا انـصــفــو بسـيــوفهــم كـل مـظـلوم=ويـــامــا عـلـى الـعــدوان غــزو نـصــايـــب
عـنــدي عــن الـشـجـعـان يــاخــوك مـعـلـوم= ضـــاريــــن يــــامــا خــلــــو الــــدم رايــــب
دهــامـشــه مـــن عــصــر الاجـــداد للـيــوم=والـسـيــف والـشـلـفــاء تـفــك الـنـشـايـــب
قـلـتـه وانــا مـــن لابــت(ن) تـنـطــح الـــروم=ربـعــي مــقــابـيـس الــوغــى بـالـحــرايــب
ســـلام لـلــي خـــص بـــالـمـــدح ســلـــوم= يــاصــل لـ بــو ســلـمـى فـطـيـن اللـبــايــب

الشاعر/ سلوم السبيعي

أحـمــد دلـــي الــهــزاع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ ــــــــــــــــ
الشاعر / احمد دلي الهزاع شاعر غني عن التعريف شاعر رائع ومميز

في ذمتي ماعـاد انـا فاهـم ٍ شـي =ما دري تبـي فرقـاي والا تبينـى
ياجرحي اللي مد عمقـه مـن يـديّ =متقاسـم الغلطـه فـؤادي وعينـى
لحظة عطش أحيت جماد ٍ ماهو حيّ =وتوطنّـت بيـن الخيـال ويقينـي
بعيونها حر المدى شفـت بـه فـيّ =والجرح حب وقسـوة القلـب لينـي
ماعـاد افـرّق بيـن هـاذي ولاذيّ =ولاعاد اميّز ب آخر الوقت وينـي!
للبوح مدّيـت المشاعـر لمـا فـيّ =وللجـرح غنّـي ياأنامـل سنينـى
ميت ظما وانا علـى ساحـل المـيّ =واغيب واحلامـي تمـوت بحنينـي
ومع كـل هـذا ماتحقـق ولاشـيّ =الموت واقف بيـن حلمـي وبينـي

الشاعر/ ابراهيم شويش الرسلاني


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

ودي انا افهم ياحبيبي ولو شي=انــك تبـــي فــرقــاي والا تبينــي
وودي كثر ماغليك تغليني شــوي =ومن الحنان اللي عطيتك عطيني
عطني وانـا بعطيك ماتملك يـــدي = واعطيك روحي والغلا والحنيني
هــذا وانــا لازلـت محتــار يــافــي=منت الـذي دايـم ابيــه ويبينــي
تركتني واقفيت ياشمـعــة الحــي = بين الرجا والياس تمضي سنيني
اطرد سراب الصيف وانا احسبه مي = اركـض وراه ولاتطـولـه يـدينــي
غـلاك عندي يشتعل داخلـي ضــي =واشتاق لك مابين حينن وحيني
مـانساك والله يـاحبيبـي وانـا حــي =الا ان يحــول الموت بينك وبيني

قصيده مجاراه لقصيدة الشاعر/ احمد دلي الهزاع ل سلوم السبيعي

صحيح ماني منـك فاهـم ولاشي = فـرقـاي والا ياحبيبي تبينـي
تعـال عنـدي ياعـذابـي لـك شوي = نحـل انـا ويـاك لغـز(ن) دفيني
قلـي طلبك وقلـي اللـي بعـد لــي = قلي قبل تضيع باقي سنيني
تعـال شفني منـك ميت وانـا حــي =من غبت عني والبلاوي تجيني
بالشمس قاعد وانت قاعد على في = والحـر غير مـن ملامح جبيني
يــامـي هـذا مـن سبايبـك يـــامـــي =اسباب بعدك كل همن يجيني
بيـحـت انــا مــاكـن مـاعــاد بـيـــدي =باح الخفى وبيحت خافي كنيني
احس انـا فـي داخلـي يشتعل ضـي = نار(ن) تلضى بين قلبي وبينـي

قصيده مسنده للشاعر / احمد حواس الشمري


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

يـابـن حـواس القـلـب مـن مـوقـعــه مــال=مـــال ونـــزل واهـتــز بـيــن الـضـلــوعـــي
عـلــى الــــذي مـــــازال حــبــــــه ولا زال=مــع مـن لـهــا مـكنــون قـلبـي خـضــوعــي
اللـي لــهـــا بــالـقـلــب مـــوقـــع ومـنـــزال= بــعـيـــد مــاهــي مـــن طــوايـــف ربـــوعـــي
اللـي عـلـيـنــا حـــال يـــاخــــوك واحـتــــال=طـفـل(ن) شـلـع قـلـبـي وهـيـض وجــوعــي
يـطـيــر عـقـلــي لا طــرالـــي عـلــى الـبـــال=افــــز وانــهـــض لا طـــرالـــي وافــــوعــــي
مــــدري عـلـيــنــا طــــاع لايـــــم وعــــــذال=والا عـلـيــهـــا مــحـــرمــيـــن الــطــلـــوعــــي
يـــذكـــر لـنـــا مـــابــيــن راحـــــل ونــــــزال=وانـــا مــقــيــــم(ن) لـلـبــكــاء والـــدمــــوعــــي

رد الشاعر/ احمد حواس الشمري

يــــامـــرحبــــا بـــالـــي لـــفـــانــــي مــن اقـــوال= مــن واحــد(ن) يشـكـي كثيــر الــوجــوعـــي
يـــامــرحبـــا بـــه عـــد مـــاســـايـل (ن) ســــــال =بــالــي شــكـالــي حـــب زيــن الـطـبــوعـــي
تشـــكــي تقـــــول الـقــــلـب مــن مــوقـعــه مـــال =بســباب فــرقــاء اللـي بـحـبـــه ولـــوعـــي
قـبــلــك شـــكــى قـلـبـــي ومــــن هــمـهـا شــــال = هـــم الــذي زيــنــه لــعيــنــي يـــروعـــــي
ســـلـوم لـــك حـــاضـــر وبـــالـجـــــاه والمــــال = امـشـــي مـعــك مــلــزوم مــانـــي جـــزوعـــي
نــلـــحـــق لـــك اللــــي تـــذكـــره شـــد رحـــــال =تــــروي ضــمـا كـبـــدك وتـــرجـــع قـنـــوعـــي
كــــانـــه يـبيــــك الـــزيــــن يـــاطـيــــب الــفـــال =مـــاهـــي خـســاره لــــو ذرفـــت الــدمــوعــــي
وان كــان هــــو يـســـمـع بــــك لــهــرج عـــذال =انـســـاه تـلــقــــى اللـــي بـحــبـــك طــمــوعــــي
ووصـيـــك انــــا بـــالـصبـــر فــي كـــل الاحــــوال =اللـــي يـبــــي قـــربـــك يـجـــي لــك رجــوعــــي
هـــــذا مــــرد اخــــــوك فـــي بــــــدع الامــثــــال =وكـثــر الـحــكــي يـــاخـــوك مــاهــــو نـفـــوعــي

فرقاك عيد

مــــانــــــي عـلـــى خـبــــرك حـبـيـبــي تـعـلــمــت= واللـي يـحـبــك يـــــوم مــاعــاد يـضـعــف لـــك
حــتــى لــــو انــــك عــنـــد غــــالـيـــك سـلـهــمــت=مـــاعـــاد مـثـــل اول عـــرفــــك وعـــــرف لــــــك
وش عــــاد حــتــى لـــــو ضــحـــكــت وتـبـســمــت=مـــاعـــاد تــثـــر فـــي حـبــيــب(ن) لـــقـــف لـــــك
والـيــــوم والـلـه مــالــتــفــت لـــك الـيـــا قـــمــــت= فـــرقــاك عــيـــد الـلـــي هــــــواك وهــتــــف لـــــك
حـــاولــــت فــيــــك ولـــك سـكــــت وتــكــلـــمــت= يـــامـــا تـــفـــجــــر مــنـــك قــلـــب(ن) وقـــف لــــك
ويــــن انـــت عــنــي يـــــوم حــلـفــت واقـسـمــت= يــــــوم(ن) قــلــبـــي فــــي هــــواك اعــتـــرف لــــك
صـــديـــت عــنــي يــــوم فــي قــلـبــي اجـــرمـــت= وادمــيـــت قــلــب(ن) بــــالــمــحــبـــه عـــطــــف لــــك

مني تراجيب

لاتـــرافــق اللي مــايــعــرف الـمــواجـيــب= ابــعـــد ولا قـــولـــة رفــيــقــه تــــردى
عـلـيــك بــاللي مـــالــقــو بـــه عـــذاريــــب= جــزل الـعـطـايــا مــن يــمـيــنــه يــمــدى
لاتـــرافـــق الا مــــن يــنــــط الـمـــراقــيـــب=ارقـــب مــــع اللي بـــالـطـــويـــلات عــــدى
الــصــاحـــب اللـي مـــاذكــروبـــه ولا عــيـــب= ولا صـــد مـثــل اللي عـــن الـنـــاس صــــدى
لـــ هلـيـل ابــن مـعـيـــض مـنــي تـــراحــيـــب=رجــل(ن) عـلى نـفـســه رفـيــقـــه مــبــــدى
الــطـيــب شـــامـــخ والـــرفـيـــع مــعـــازيـــب=بــيـــن الـــرفــيـــع والـــرجــــولــــه مــــودى
لا ضــفــت خــلـك ضــيـــف كـسـابــت الـطـيـــب= بــيـــت الـنـشــامـــا لا تــحـــاول تــعـــــدى
لا تـــرافـــق اللـي مــايـــعـــرف الـمـــواجــيـــب=ابــعــــد ولا قــــولــــة رفــيــــقــــه تـــــردى