ديوان الشاعر/عبد الله الزيد البجيدي

من لمس ذره من تراب الوطن= (إ)يتحمل بالملاقى وش يجيه
دون مكه والمدينه بالكفن= ننطح العايل ونلعن والديه
جدنا( هاني )اذا جدك عفن=جيش كسرى وقفه واركى عليه
جدنا الفاروق وحسين وحسن= جدنا الصديق وعثمان النزيه
من تعرض للوطن يطحن طحن = مار عين خير واسلم ياسفيه
من جهل فينا يقرب بالمحن= طفلنا يقلب أسد لاطحت فيه
انت في عقلك او أنك مستجن= من يقابلنا يبي يرفع يديه

[SIZE=6 القوافي تمنى وانا راع الجزال= والقصايد تجّمل لاكتبنابكم باامدحك في بلاغه وامدحك باعتدال=دون شرط(ن )وقيد المدح يزهالكم واشهد انك يابن هذال غير الرجال=ولا تلوم الرجال الي تباها بكم راسي(ن) فوق الارض وشاهق(ن) كا الجبال=وينكر الشمس منهو ينكر افعالكم فيك (جم) التواضع باقي(ن) لايزال= وارث(ن ) من جدودك ماسمعنا بكم لجل هذىمدحتك ياجميل الخصال=يوم شفت الفعول اتوافق اقوالكم عبدالله الزيد البجيدي [ALIGN] [/SIZE]

أما أكون بناضري كني ملك
أو بلاش البس جلاليب الرجال

ألجمل مايوم للناقه برك
ولا يعيش أبن ألأسد عيشت ثعال

مايخضعني سوى من يمتلك
نفس عبدالله وغير الله محال

ماانت رايق لي وانا مارقت لك
فضها سيره خلص يابن الحلال

من يعيش بلا كرامه لو ملك
كل مال الكون عندي له سؤال

من تعيش بلا كرامه بسألك
هل يعوضك الكرامه زود مال؟

من يعيش بلا كرامه ماهلك
عاش لكن مات بعيون الرجال!

تستاهلين اكتب لك اجمل قصيده=ياغاليه ياحاليه يامنايه
شاعر ويكتب للعنود الفريده=ولا لاتقولي( صد)قولي معايه
وان ماكتبنا لك قصيده جديده=يضيق منها من يحب الوشايه
اسعدبها قلب الهنوف العنيدة=ماني ب(عبدالله) ولا أنتي هوايه
تدللي يام العيون السهيده =وابا تدلل بس شوفي رضايه
فاضت مشاعر والمسافه بعيده=بيني وبينك ياهواي وغلايه
شاعر شعرواهدالك احلا قصيده=ياجمل بداية عشق واجمل نهايه
عساك دايم ياشقايه سعيده=ياجمرة الأشواق يااجمل روايه

مااحنا من الي يوقـدون السعيـره=بالعكس حنا ناس جـداً بسيطيـن
ولا نلتفت لاهل النفـوس الحقيـره=ولا احنايهود ولا غزينا فلسيطـن
وان كان عندك شك باصلـك وحيـره=حنا لنا تاريـخ واصـل وبراهيـن
وانكانـها بالعنجهـيـه وغـيـره=حنا نبـي ننبئـك عنـا وهالحيـن
حنا اليـا عـدة فعـول الجزيـره=منا جيوش الفـرس فـرو ذليليـن
حنا بني وايـل اسـود(ن) كسيـره=من خلقت الدنيـا وحنـا سلاطيـن
حنا بنـي وايـل سيـوف(ن) شطيـره=مانرتضـي لـذل دايـم عزيزيـن
حنا ولدنـا شيـخ واختـه أميـره=شف عمر ابن كلثوم وش قال ياشين
حنـا سكنـا بالبـلاد الشهـيـره=ماعيبونـا قالـو البـدو شينـيـن
(نعم بـدو )و(ا)قلوبنـا مستنيـره=بالعلم والأيمـان وحمايـة الديـن

[/]

حقيقه هي ابيات عبرت بها عندما قرأت قصه فتاه وحزت في نفسي
فما كان لي الا ان اكتب هذه الابيات

علها تطيب لكم

ياكيف يابنـت المنابـر تكونيـن=كبش الفـدا مـره ومـره ذكيـه
هوليـه يومـك للكرامـه تبيعيـن=المشتري خسـران وأنتـي رديـه
يابنت من دون الشرف وش تكونين=لاصـار ماتشملـك كلمـة بريـه
ياليـت والله يابنيـه تشوفـيـن=نضرة شبـاب اليوم لسرمديـه
هذى قصيد الي يبي منك ثنتين=كوني عزيزة ثـم كونـي وفيّه
ولا اعتقد منكم يخالـف بحرفيـن=لن الكـلام الـي حكيتـه قضيـه
وختامها صلو على محمـد الزيـن=اللي رفعنا عن دروب الخطيه
محمـد المبعوث للحق والدين=اللي تبع نهجه ترى واهنيه

[/]

الطيب الا نختيه جاك كله يشوش=والا الردي لا نخيته صابته غطرسه
واكبر دليل الرسول اللي بوجه(ن) بشوش=يوم انتخى كعب شاش وبردته لبسه
والمعتصم يوم جاه اخبار سيّر جيوش=والمرأه اللي تعزوت داس من دنسه
وأنا من اللابه اللي للردى ماتحوش=والا انتخى فيني المقهور ما انكسه
الا بشيء(ن) يبي يغضب الاهي مانوش=شي(ن) يبي يغضب الله مستحيل المسه
ماهو انت ياللي تحسب الطيب جمع القروش=ثوب الشهامه ولو مثلت ماتلبسه
يابنت ياللي هلك وقت الملاقى وحوش=لاتاخذين اللذي تاريخكم يطمسه
ياكل ويشرب وهو للطيّبه مايحوش=ولاجاه عاني يغيب وماله ايكدسه

مسائكم /صباحكم سعاده
اليكم كما هي
/
!
!
!
معذور من عذبك لاصاريغليك
يبغا يذوقك العسل من عذابه




اقولها من سكرت العشق شاريك
اسئل واجاوب والأجابه غرابه




اقولها اول يوم انا ميت فيك
اليوم قلبي للغلا صك بابه




اليوم انا مابيك مابيك مابيك
مابيك لا مابيك والقلب مابه




لا تنتضر مني لك ارجع واراضيك
قلبي خذيته منك سجل غيابه




ولولا الحيا والعيب لاهجيك واهجيك
واهجي فتى له صاحب ماهجابه




ياهاجري روح زمان المماليك
من عافني ماني محسب حسابه





لاتبوس ايديني ولا ابوس ايديك
بعز نفسي لو افراقك كئابه
دمتم بخير

تدرون ليش الغـرب حاقـد علينـا=ويشـن حملاتـه علينـا بالاعـلام
دايم يحـاول يـزرع الشـك فينـا=يبي نعاف الديـن ونعشـق الازلام
ونحـارب ألأمـه مـع محاربيـنـا=ونقول للعالـم هـل الديـن ضـلام
أجـل عـن الـذات هـم مانعينـا=نبـي نجـد دفـي تعاليـم ألاسـلام
كلـش حـلال ونرضـي الحاقدينـا=حنـا تأخرنـا نبـي نـروح قـدام
نرضي طموح ألـي لنـا حاسدينـا=وأنجند أنفسنا لهـم لـو بـا القـلام
ونقـول للمـرأه خـلاص أنتهينـا=أرمي حجابك واقطعي وصل ألارحام
ماهـو غريـب الكـره للمسلمينـا=ماهوغريب الجرم من وكر الاجرام
لكـن غريبـه كـان حنـا غوينـا=وحنا من احفاد الصحابـه والاكـرام
ولكـن تـرا بالعكـس ياكارهيـنـا=بدري عليكـم توهمونـا بالاعـلام
حنـا ترانـا سـلالـة الغانميـنـا=حناالطفل منا عـن الفيـن ضرغـام
وحنـا بساعـات الوغا حاضريـنـا=عدونا يوطا وطـي تحـت الاقـدام
وحنـا الياكبـرت ترانـا شريـنـا=جنة خلـود بدنيـت(ن) كلهـا أيـام
تدرون ليش الغرب حاقد علينا= انا ملكنى العز في دين ألاسلام
وأذاحفضـنـا دينـنـا ماانحنيـنـا=نبقى ملوك ألأرض والغرب خـدام
ونبقى على الهـدي القويـم اليقينـا=ويبقى الحسد بقلوب عبـاد ألاصنـام

يانفـس لا لا تكثريـن المشاريـه
اقول انا يانفـس يانفـس افيقـي

صديقـي اللـي بالشدايـد الاقيـه
ماهو صديق(ن) شاف نفسه صديقي

ولاذا صديقي بالصفـا والمداليـه
ولا كل شخص من البشر لي يليقي

لاعشت يابيـاع عشـرة مخاويـه
غلطان من حطه صديقـن حقيقـي

والحر لاشـاف النسـر مايباريـه
والقرم مايمشي بـدرب(ن )زليقـي

وشلون تطلب فاقد الشـي يعطيـه
ماينخي وسـط الميـاه الغريقـي

يالله تحمـي كـل طيـب وتحييـه
حيـاة عـز ولايخـاوي معيـقـي

وصلاة ربـي كـل ماحـل طاريـه
على الرسول اللي وفـا للرفيقـي

بصوتي





استماع ممتع