::ديوان الشاعر القدير/ عواد الدهمشي ::

بسم الله الرحمن الرحمن أعضاء هذا الصرح الشامخ وزوّارة الكِرَام السلام عليكم ورحمة الله وبركاته تم بحمد وشكره أفتتاح ديوان الشاعر القدير {{عواد الدهمشي}} والذي سيضم مُعظَم قصائدة وكتاباتة الأدبية .. والشاعر عواد الدهمشي من الشعراء المتميزين في الساحه بعمق تصويره وجمال قصائدة وجزالتها وسوف تجدون بإذن الله مايليق بذائقتكم في هذا الديوان الذي سوف أكون بإذن الله أول المتابعين لما يضمه عواد الدهمشي في هذا الديوان لكم وله اجل التحايا ووقتاً سعيداً أرجوه لكم [/COLOR]

أهـــل الـــحــصــانــه

القوافـي بينهـا وبينـي ميانـه =والشعرغصبٍ على جدي يمـون
واشهدإني مكرمه مطلـق عنانـه =مامنعه عن شخص لومهما يكون
غير ربي مارجيت أحـدٍ أمانـه =الكبيـرالله وخلـق الله تهـون
ربعنا ياربعنـا ياهـل الحصانـه =مانبيكم لكن انتـم وش تبـون
حدكم لاوصّلت حـد الاهانـه =وصّلت فيكم بنـا تستهزئـون
القصيبي قالهـا بعظمـة لسانـه =النساء عادي تـرى لويخدمـون
طيّب أسألكم وردّوا فـي أمانـه =لأهلكـم ماتطرحونـه تقبلـون
لوبغينا من نساكـم للحضانـه =عندي اطفال وحقيقـة يتعبـون
وشغلهن لين العشاء يرفع أذانـه =ويمكن الوضع يتطلّب يمرحـون
تقبلونـه او تعدّونـه إدانــه =أوتقولون الولد صابـه جنـون
واقسم إني عاقل وكلّي رزانـه =سالمٍ عقلي عسـى ماتسلمـون
يكفي يكفي..يكفي يكفي يالبطانه =إتركونا لعن ابوكم وش تبـون
تحسبون إن البدوترضى الإهانـه =صحصحوا ياهل الحصانه تحلمون
ربعنا ياربعنـا ياهـل الحصانـه =القوافل ماشيـه لـو تنبحـون

إهدااااااااااء لشاعرتنا الرائعه ( الــجــفــول الوايلية ) بمناسبة حصولها على لقب شاعرة الخليج

الاولى لعام 2008

تــســتــاهــلــيــن

مبروك للي نالت المجد مبروك=تستاهلين المجد تستاهلينه
خلّي كلام أهل الحسد لايهموك=بكبودهم سبب نجاحك ضغينه
لوالبشر خلّت حسدهاوانا اخوك=عاشوا جميع الناس بامن وسكينه
اللي غرس له ورد واللي غرس شوك=كلٍ على غرسه بتحصد يمينه
واللي نفعه البوك يفضى ترى البوك= وليافضى تقعد تصافق يدينه
واللي لفت للشعر في شعر مشروك=وشريكها ياجعل ربي يعينه
والبعض الآخر همّها تطلع بلوك= وقصيدها عادي لو إنه عجينه
وأنتي جزيل الشعر عندك به صكوك=والشعر يقطف منك ماتقطفينه
ولابحثتي للقب مابها شكوك=المجد هو يتبعك ماتتبعينه
ربعك بني وايل على العز ربوك=دربك على وضح النقا تسلكينه

واقعية حدثت مع أحد الاصدقاء المقرّبين شخص على الفطرة وليس لديه خبرة بما يسمّى "الحب"

لــيــل..يـاعــيــن..يـالـيــل..

جـــتـــنـــي عــلــى مـــيـــعـــادهـــا بـآخـــرالــلـــيــــل =وانــااتــحــرّى نـــورخـــلّ وبــريـــقـــة
جـــتـــنــي تـــقـــو ل ان الـــهـــوى كـــذ بــة ابــريــــل =لا زم يـــروّح كـــل مـــنـّــا بــــطـــريـــقـــة
جـــتــنــي و جـــابــت لـي هــــمــوم وغــــــرابـــــيـــــل = تـــقـــول دوّر لـك عـلـى ايـــة رفــــيـــقـــة
تــــقــــو ل لازم بــالـــهـــوى فــــيـــه تـــــبـــــديــــــل =لازم تـــصــيـــر ســـبـــور بـا يــة طــريــقــة
قـــلــت الــغـــلا قـــالـــت هـــــروج وتــعـــالــــيــــل =تــضــيـــيـــع وقـــت وعــــدّ نــي لــك صـديــقــة
مــا فــــيــه داعـــي لــلـســـهــــروالـــبـــهــــاذيـــــل =لازم نــمــاشــي عـــصــرنــا بـالــدقــيــــقـــــة
قـــلـــت الــوفـــا قــالـــت قـــديــــم(ن) وبــالــحــــيــــل =خــلــك حـــضـــاري عــيــش مــثــل الــخــلــيــقــة
وراحــت تــغــــنـي( لـــيــل..يــاعــــيـــن.. يــا لــيـــل) =وا نـــا بــــداخــــل داخـــلــي الـــف ضــيــــقــــة
تــونــي عـــرفـــت ان الـــوعـــد بآخــــرالــلــيــــل =اكــبــرخـــطـــا عــــشــــتــه وهــذي حــقــيــقــة
أ قــــفـــت وانـــا دمــعـــي وراهـــا هــــمـــا لــــيــــل =تـــضـــحـــك وانــا شـــبــة بـــجـــوفــي حــريــقــة

"الـــــطـــــــيــــب"

اشـــهـــد ان الــطــيــب كـــلّــه حـــــاضـــر بــــحــــضــــرة جــــنـــابــــك =يــاأصــيــل(ن) فــي حـــيــــا تــي مــارأت عــــيــــنـــي مــــثـــيـــلــــه
مــا تــــتــعــــبــــك الـــمــراجـــل الـــمـــراجـــــل ســــاســــهـــــا بــــــك =يــــابــــعـــد مــن قــــال مـــاقــــد ر يـــاد وى الـــنـــفـــس الـــعـــلـــيـــلـــه
مــــن يـــد وّر فــي عــــــيـــوبــــك مــالــــقــــابـــــك شـــي عـــــابــــــك =كـــــامــــل(ن) والــــكـــامــــل الله نــــايــــف(ن) عــــن كـــــل مــــيـــــلــه
كــــم عـــز يـــز(ن) لا تـــضــــايــــق د ون تـــفـــكـــيــر انــتــخــابـــــك =مـــــاالــــو مــــه لا نــــتـــخـــابـــك عـــــارف انـــك تــنــــتــــخــــيــــلــــه
ويـــاجــــعـــل ربــي يـــــتـــغـــمّــــد روح عـــود(ن) يـــــوم جــــابـــــك =ويــســــكـــنـــه جـــنــات عــــد ن ومـــشــربــه مــن ســلـــســـبــــيـــلـــه
اشــهـــد انــه مــن هـــقـــابـــك مــايـــضـــيــع الـــلــي هـــــقــــابـــــك =شـال ابـــوك الـطــيـــب قـــبـــلـــك وانـــت مــن عــــقـــبــه تـــشـــيـــلـــه
مـــــا تــــوفـى مـن يــــخــلــّــف... واحــــد(ن) شـــروى شـــبــــابــــك =وشـايــب(ن) مـاجـــاب مـــثــــلـــك عــــز تــــيــــلــه..... عــــزتـــيـــلــه
الا خـــــوّه والـــمــــروّه والــــشــــهـــــامـــه عــــــنـــــد بــــــابــــــك =وكــان بــه لــلــطـــيـــب صــاحـــب مــــاحــــدا غــــيـــرك خـــلـــيـــلــــه
ومـــن يـــحـــاول يــــطــــري اســــمـــك با لـــرد يّــــه او يـــنـــابــك =اتـــركـــه هــــذا هـــبــــيــــلــه.... ...اتـــــركــــه هــــذاهــــبــــيــــلــــه
ذاضــعـــيـــف الـــنـــــفـــس والا مــاحـــكـــابـــك في غــــيــــابـــــك =جـــــا يـــــــد وّر لــلــمـــراجــــل والــــمــراجــــل مـــاتــــجــــيـــــــلـــه
قــلــت ابـــذ كـــر بــعــض طــيــبــك بــس ضــيّــعــت بــحــســابــك =لــوســهــرت اجــمــع واعـــــدّ د مــاجــــمــعــتــه با لــــف لـــيـــلــــه
ضــعــت انــا مــد ري وش اكــتـــب والـــشــعـــر والله غـــدابـك =لــوكــتــبــت احــلى قـــصــيــده فــي وصـــوفــك جـــت بــــخـــيـــلــه
ولـوجــمــعـــت احـــلى مــعــانـي كـــل شــعـــري مــاوفــابـــك =اد ري ان الــــقــــاف قـــصّــــر بــــس مــابــالـــيــــد حـــــيــــــلـــه
الــــشــعـــــر يــابــومـحــمــد ابــتـــــدابـــــك وانــتــهــــابـــــك =أنــت واحــد مـاخــتـــلــفــنــا بــس تــــســـوالــــك قــــبـــــيــــلــــه

اللي عـقـد روس الــحــبــال يـحـلـهـا

أناكذا ياصاحبي... الصـدق دايـم مشهـره= والناس هـذي ماتبـي ....الا مـن يجاملّهـا
ماني بشيطانٍ خرس ...والحـق لازم أذكـره =أيه أذكره... واللي عقد روس الحبال يحلّهـا
أما الكذوب لياحكى...يجي كلامه فشخره =يسرد عليك ولايمل...حتـى لوأنـت تملّهـا
والسالفـه لاقالهـا...لازم تجيـك مبـهـره =ولامن قضا تبهيرها...في وسط راسك سلّهـا
كلٍ يطبل للكذوب...يكذب وكـلٍ يشكـره =يعنـي إذا تبغـى تعيش...ياصاحبـي طبلّهـا
كلام كله مسخره..في مسخره..في مسخـره =وإن كان تبغى تستريح...ياصاحبـي شكلّهـا
أمـا أنـا ياصاحبي...ماحـب كثرالثرثـره =والسالفه.. لاجت غلط...ماضنتـي أمهلّهـا
أنا قبل مانطق خطأ...فمـي لـزوم آسكـره =واقطع لسانـي لونوى...فـي كلمـةٍ يزلّهـا
بس الصراحه للأسف!!!في هالزمن مستنكـره =وأهل الصحيح بهالزمن...مع الأسف ياقلّهـا
لاتلومني ياصاحبي...دنيـاك هـذي مدبـره =واللي بقلبي خلّها...تكفـى طلبتـك خلّهـا
ملّيت مـن دنيابها...كـل البشـر متغيـره =الصدق أشوفه إنتهى...والكذب قام يفلّهـا
الحزن في قلبـي كبير...والهـم والله مكبـره =لوجيت أوزع للبشر...غطا البشر ذي كلّهـا
الهم يسهرني وأنا...فـي كـل ليلـة أسهـره =وأحتارت الدمعه تسيل...أو تنثبـر بمحلّهـا
وختامها ياصاحبي...أحمـد لربـي واشكـره =ولغير ربـي مانويت...نفسـي أبـد أذلّهـا
طبعي كذا ياصاحبي...طبعي كـذا ماغيّـره =أقولها..واللـي عقـد روس الحبـال يحلّهـا

إعـــــتـــــرآآآآآآآآف

أعترف إني أنا ماني جرير=وأعترف إٍني ماحب أكتب أغاني
ولا أحب الشعر في مدح الأمير=وعن قصيد المصلحه بحفظ لساني
مارخصت الشعر لو مهما يصير=ولا حنيت الراس لاية مودماني
راضي أجلس لو على قطعة حصير=ولاأحب آخذ مكانٍ مو مكاني
ولا كتبت الشعر لاجل أصبح شهير=ولا أدور قولة فلان الفلاني
ولايهم ..إن لقبوني بالخطير=ولو يسموني بعد فلتة زماني
المصالح غير.. والأحساس غير=إفهم اللي قلت مع كل إمتناني
وكانك تحاول بهرجك تستثير=إعرف إن الهرج ماحرك كياني
المشاعر والشعر غير الشعير=وخلك بياليل دانه ليل داني
الكبير..كبير وأفهم ياصغير =للشعر في داخلي أسمى المعاني
أعترف إني أنا ماني جرير= بس أنا يمكن بعد فلتة زماني

تــــوبـه يـــابـــنـــات

المرآياتعكس الواقع وانااشوفك مرآيا =آه ياحزنٍ سكنّي ليه ماترفق عليّه
من كثرحزني وهمي مابقافيني بقايا =لوبغيت أضحك تصنّع ردهاوقتي قويّه
والحبيب اللي هويته جيت كلّي في وفايا =العطامنه الخيانه لعن ابوهامن عطيّه
اكتم همومي بقلبي ماأبي يحزن معايا =لويجي مرّه حزين قلت ليت الحزن بيّه
كم تجرعت الخطايا وكم اعديله خطايا =ولوتجي منه الخطيّه قلت ماجتني خطيّه
كنت اسوق ايام عمري كلهالعينه هدايا =والجزامنه الخيانه ساقهايمي هديّه
كثرماكنت أعشقه ومخلص له بالنوايا =كثرماجرحه كواني بالحشامليون كيّه
بس(توبه يابنات)قلت توبه ياصبايا =واهني المستريح من الهوى لاواهنيّه
الحزن والهم فيني والهواسوّاسوايا =قسمتي ابقى حزين وقسمت ايامي شقيّه
ماكتبت الشعرسلوى ولاأظن أكبرمنايا =الجروح اللي كتبتني وامسكتني من يديّه
هذي هي أصل الحكايه هذي هي كل الحكايا =شاعرنٍ كل القصايد ساقته يم المنيّه

دخـــيـــلــك

تــــعــــالـي واعـــزفـي حـــبـــك بــعـــدلاتــــنــسـي الــــمــوال =تــعـــالـي ارجــوك يـاعــمــري دخــيــلــك لاتــخــلــيــنــي
يـــقــولــون الــهـــوى ظــالـم وانــاآقـــول الـــهـــوى اذلال =وانـاراضـي بــهـــذاالـــظــلــم وإذا يــرضــيـــك زيــديــــنــــي
نــزل دمــعــي عـلى شـانــك وصــعــبــه دمــعـــةالــرجــــال =وعــلى شــان الــعــيــون الـسـود امـانـه حــيـل بــكّـــيــــنــــي
تـعــالـي عـــذبـي قـــلـبٍ يـــحـــبـــك يـــعـــشـــقـــك بــهــبـال =وهـــوراضــي بــتــعــذيــبـــك وشــرطــه مـاتــهـــديـــنـــي
تــعــــبــت اضـــحــك عــلى نـــفســي واواجــه مــوجــةالــشـلال =انـــا مــــدري ســحـــرحــــبــك أوإنـه مــنــخــلـــق فــــيــنــي
انــامــقــدرعــلـى بــعـــدك وابــعــلــنــهــاعــــلى الاجـــــيــــال =أشوف الموت في حــضــــنـك ولابـــغــى عـــزةســـنــيــنــي
انــامــابـــغـــى مــن الـــدنــيـــاذهــــب والاحـــلال ومــــــال =اناابــغــى شي واحــدبس مـثـل ماعــطــيــك تـــعـــطـــيـــنـــي
دخــــيـــل الــطـــول والــقــامــه دخـــيـــلـه خــصــرك الــمــيّال =دخــيــل الــظــلـم فـي حــبــك دخــيــلـك حــــيــل ظــمــيــنــي
دخــيـل احــلى شـعــرقــلـتـه دخــيــل احــلى شـعـــرمانــقــال =دخــيــل الـمــنـــتـــدى هـــذادخــيــلــك يـانــظــرعــــيـــنــي
اضــيـع بـنــظـرة عـــــيــونـــك كــــذوب ان قــلـت انـاخـــــيّــال =تـــعـــالي بــسئــلــك عـــنــي تــعـــالي ضـعــت انـاويـــنـــي

هـــيــه يـــاعــــزوز

هيه ياعزوز واسمع جعلني والله فداك =استفد مماجرالي واستفد مماحصل
من صغرسنّك تعود للمساجد سق خطاك =أد فرضك لاتهاون لايصيبك به كسل
وانتبه واصل بعلمك يرتفع به مستواك =اجتهد فيه وتعلّم تره اخيرمن الجهل
واعرف ان الوقت هذالوتبي محدٍ عطاك =لاتدوربه صديق ولاتدوربه وصل
واعرف انك في زمانك تسوى كثراللي معاك =واحذرالطيبه تراهافي زمانك تستغل
البشرهذي تراهاخوف وإلا إنّه رجاك =ودنيتك هذي تراها صارطيّبها خبل
لاتقول اني ابالغ ماكواني ماكواك =من تلدغه الحيه بيده يخاف من جرة الحبل
وآخراوصاتي ابطلب ياجعل ربي يهداك =ويحفظك من كل شرويرزقك عزوجل