غيم وسكون الشاعر : صالح المضياني

بسم الله الرحمن الرحيم
السلام عليكم ورحمة الله وبركاته
ابوساجر هذه
من اجمل ماسمعت تحيه للشاعر ولصاحب الإلقاء..



غيم وسكون
الشاعر : صالح المضياني
للاستماع






مارس الدبكه على هيئـة بدائـي


تنتخـي بادغـال تلـك الجاهليـه
واعزف الدانه قبل تصبح فضائـي
يمكن الشيخه تخلـف لـك غبيـه
وان تهجيت المهابه فـي ردائـي
اسمع بصمتـي حكايـا سرمديـة
للسقـم اعلنـت كينونـة دوائـي
ابنـة الشيطـان جـد المـارديـة
والمرايا ترجمـت عجمـة بهائـي
لين صاح الكون عطـر الجاذبيـة
والصباح اللي نده طفلـة مسائـي
رتـب القمـرا ليالـي ابجـديـة
والسحاب اللي لمح توبـه ندائـي
سولـف ليثـرب ورود الطايفيـة
من رصيف الشمس لمصاهل حذائي
شف ضجيج الموت كم غنى عليـة
ماذبحـت الغـول لكنـي فدائـي
التحف صمت السيـوف الوايليـة
ماملكـت الريـح لكنـي هوائـي
مؤمن بصاحب فدى ذمـة خويـة
ماقريت العيس بعيـون الروائـي
لين كل البعـض يمطرلـي تحيـة
اعرف ان الجار هو عـزة بقائـي
من مدى جبريـل لااجيـال الاذيـة
واسئل السجدات عن هيبة دعائـي
وانسج الصحبة خيوط (ن) احمدية
والشموخ الحـر يجعلنـي وقائـي
احتوي زحف الطيـور الساحليـة
ذا شتائـي دام تسليطـك شتائـي
كلهـا غيمـة وانبتـك بخفـيـة
والسلامة جدهـا السابـع عدائـي
انتبه مـن همـس ليلـه نابغيـة



الشــــاعر/ صـالح بن عوده المضياني