اهل الزراعه يعرفون الزراعه واهل البداوه يعرفون المرابيع

اهل الزراعه يعرفون الزراعه
واهل البداوه يعرفون المرابيع

كلا يمد الخير من مد صاعه
ومن باع فيهم قلت ماشري ولا ابيع

وكلا على فنه طويله ذراعه
باب المعرفه حرفته دون تطبيع

واللي يراعي خاطر الود راعه
جازه على المعروف جزل التصانيع

خله على يمناك ربع وجماعه
ترى الليالي مخلفات المراميع

والوادي اللي جايعات(ن) اسباعه
ياصعب من وسطه جميع المراجيع

وتر ساعة الفزعات باليوم ساعة
يعدها المحتاج لك بالاسابيع

ونار الحماقه طفها بالوقاعه
ترى الوقاعه من اكبار المنافيع

ثبت جسور الصبر ورفع شراعه
لو جوك عدوان الرفاقه مفاريع

الفجر طراد الظلام اب شعاعه
والليل مايحميه وادي ولا ريع

صمتك عن خبول المجالس شجاعه
ماقيل بهروج المجنن مطاميع

مساعد المزعل

مساعد مزعل

انت رائع ومميز يابو اسامه

دائماً تتحفنا بالجزاله والإبداع

صح لسانك مليار وتكرار

صح لساااااااااانك وأعتلا شاااااااانك
أبيات درر متناثره ، أستمتعت بها كثيراً
ودي لك...
أخوك جدعان العنزي

صح لسانك
الله يعطيك العافية على هذا النظم الجميل ,,
ابداع,, لك وافر الشكر والاحترام..

حرف جميل ورائع
صح لسانك حد الرضى وبيض الله وجهك

نص راقي من شاعر راقي
صح لسانك وسلمت اناملك الذهبيه
ابداع رائع وتواصل اروع
لاتحرمنا جديدك

خيّال نجد

صح لسانك ودام تميزك وروعة حروفك
متصفح رائع وأكثر من رائع
بأنتظار المزيد من بوحك المميز والفريد

.

صح لسانك وسلمت للشعر ياشاعر
تقبل مروري ودمت بحفظ الله

/
/
؛؛عنزي نجران؛؛

سلمت يمينك وصح لسانك ملايين
قصيده جمعت الجزاله والأبداع معاً

ودي

صح الله لسانك وأدام حروفك المميزة
لك التقدير والإحترام

عمر الخلف