هذ 11 نا

في ركني الهادي ابحط مركاي = واكتب على صفحة فضاء حرف شعري
ما غيّرت صلفات الأيام ممشاي = باقي جبل في وجه الأيام صبري
والشعر لبسته من حروف معناي = حرفي سما معناه من طيب فكري
اتعب على معناي ويطيب مغناي = كن الفضاء اوراق والبوح حبري

تجري مقاديري وانا تجري اخطاي = بالدرب هقوه قدرها كبر قدري
واليا بغيت امناي لو يصعب امناي = اصله لو وصله على حفر قبري

بعد نهاية عام يارحلت العام = ومواكب ايام العطاء بالمضايف
ماوقفت دورات الايام الايام = تدور مادارت عليها الحسايف
واللي عزاه الطيب مسرى ومجهام = ياعنك ماتشكل عليه الخفايف
ماساق حرف الشعر في غبش الأوهام = يسوق حرفه طيب سوق العسايف
لصوت الوفاء ياصوتنا درع وحزام = يزهاه من بوح الشعور اللطايف
صوت الشعور يترجمه حبر الأقلام = بوحن من الوجدان زاهي وصايف
لعيون من هو للمواجيب مقدام = حرن شهر طيبه بروس النوايف
الأطرق اللي كل ماقلت قدام = يجيك صامل طيب ماجاك خايف
ماله هدف ياكود تحقيق الأحلام = حلم الكبار محاربين السخايف
لم الشّمل ونصّره لدين الاسلام = وحب الملك وولي عهده ونايف
والعز صرحه شامخاً بالوفاء قام = طيبه جمع حوله قلوب (ن) ولايف
راع الحميا والله وسبعة انعام = اللي لربعه مايحسب الكلايف
غنيت وأنّشرها على روس الاعلام = شعري واعرفه وابو سلطان كايف
ويمر عام وتنطوي صفحة العام = ويظل في ذكراي ذكرى المضايف

بذكر العظيم ابتدي بالجواب = الا جل شان الكريم الولي
وعلى من صدح وحي فصل الخطاب = صلاة وسلامي عسى يقبلي
سعودي عزيز ومهاب الجناب = بطولات وأمجاد سيرة هلي
وصلنا بالامجاد فوق السحاب = ولا نقبل الا المكان العلي
لنا الفخر دستورنا أقدس كتاب = وصافي الرساله لنا منهلي
ومن مثلنا باللقاء مايهاب = وأملنا الشهاده رضا المعتلي
لنا قادةٍ يعسفون الصعاب = دهاءٍ يروض به الجفلي
حَراراً لهم عاليات الهضاب = ولهم فخر تاريخنا الأولي
نعم حلمنا المجد في كل باب = نحث الخطاء والعزوم اصملي
ولنا مايشرف من الانتساب = وكرمنا تقرب لمخرج ملي

من اللي يضرب أمه دآم الأرض أم وهواء الأحرار=الأرض الأم والعرض النزيـه بروعـة التصويـر
وأذا زادو بحرب أبلادنا زدنـا ثقـه وأصـرار=وأذا كفو جنحنـا لسـلام نواصـل التطويـر
مثل ماقال عبـدالله وصـارة للجميـع اشعـار=ما نقبل من يساوم بالوطن والدين مهما يصيـر

ياأمي الارض أحبك بر وإبنك شهم = ياأغلى ثرى ياوطن روحي وروح الخليل
يقدس ترابٍ حباه الله بأطهر حرم = بالدم نفديك والموت لعيونك قليل
ياأعظم شعاراً رفع بالكون وأعظم علم = ياراية العز حبي لشهاده دليل
داراً رسمنا معالمها محبة رسم = بقلوبنا مالها فوق البسيطه مثيل
ياأمي لك أمه جعلها الله خير الأمم = وشعبك يجسد بوقفاته ثبات الأصيل
أعزنا الله بالاسلام سيف وقلم = ونوراً ملاء الكون في هدي الحكيم الجليل
حنا هل الارض والتاريخ وأهل القيم = عاداتنا من دماء أعدانا شفاة الغليل
ياخالق الخلق في مشيته من عدم = الله حسيبي على الظالم ونعم الوكيل
تبت يد الغدر كم حاول بخبث يهدم = صرحاً تنعم بخيراته زماناً طويل
ماينكر الفضل رجلاً فيه دين وشيم = بالدين الأحسان لأهل الفضل رد الجميل
يا من تسلحت مع غدرك حزام ولغم = أقبح من عقوق الأم أغرب من المستحيل
أعلنت حربك ولا لك غير لطم الخشم = شعب الحرمين مايقبل بغدر وعميل
والا انت خارج من الاجماع مثل السهم = تلبس عمامة هلك تُقياء وراسك هبيل
شرذمةً كيدها في جهلها يصتدم = شيطان كيده ضعيف يموت صاغر ذليل
بالحق فكر الضلال وشلته تنهزم = وفي نور صافي العقيده كل جهلاً يزيل
وبعد الهزيمه تبي بكره تعظ الندم = لذل ذيل وتجرجر من هزيمتك ذيل
يالقاده اللي علو بالمجد أعلى القمم = من ينصر الله نعم ربي بنصره كفيل
الله حمى المملكة وأسبغ عليها النعم = الفضل لله ماعاشت بمنت بخيل
بقيادة اللي على المله يصون الذمم = وشعباً على الوحي بايع جيل من بعد جيل
مليكنا خادم البيتين سقم الخصم = مايوفي المدح مدحه لو هدر تقل سيل
في خُلق راقي ولطف للشموخ إحترم = به فلسفة قايد ملهم ومنطق جزيل
يحفل بتاريخه التاريخ مجد وكرم = بالجد جد الملوك وبالرخى سلسبيل
أمر وحنا نقول أبشر وسم ونعم = نصير كاهل لعبدالله لو ارهقه شيل
ولك ياأمي الارض كل الحب وإبنك شهم = ياأغلى ثرى ياوطن روحي وروح الخليل

يلج الحرف ياصوت الوفـاء وتلبـي الأقـلام=ويبين الصدق بحروف القصيـد اليـا تهجيتـه
وانا والله ماخلـد بالقصيـد الا كفـو وحشـام=قصيدي وان قصر عن مدح طيـب مـا تبنيتـه

مسلمين أحرار بالفطره من الميلادي = وكل حر مارضا في عيشته مضهودي
صوتنا مرفوع مانادا لصلاه منادي = ولا نبي حرية والنقص فيها الزودي
والسلام إليا قبلنا به ذخرنا اجهادي = ولا رضينا تفرض الأفكار لجل ايهودي
كان تغيير المبادي حكم ٍاستبدادي = عن قيمنا ما عطينا سمع للتلمودي
وكانهم بأعلامهم قامو بحرب احقادي = الثقه بالله وبنفسنا ثقتنا تزودي
قافلتنا سايره لو كلبهم هدادي = انبحي ياكلابهم عنا بعيد وعودي
الحقائق ما يغيرها الحكي لو زادي = ومن نقدنا ما يعرف العيب والمنقودي
أرضنا اقدس شعبنا اعرق والصحيح امرادي = وكان زادو غي زدنا والنقى مردودي

ياصاحبي ماهي بلحية مشاريه = اليا حشمت الناس كلن يحشمك
والا الردى والشك مااحدن يدانيه = لكن كبه عنك وحاسب ياعمك
خل التفرنك مانت قده تسويه = خلك على طبعك وحافظ على اسمك
كم واحدن غره وخابت هقاويه = ولا كل من غنى معانيه يمك
ومن سب سبّ وياكثر من يعاديه = لو هو اخوك ان كان ذميت ذمك
واليا بغيت الطيب تتعب تلاقيه = ماهو سهل تأخذه مع برد دمك
يبي ولد ماهي قريبه محاريه = يبيع نفسه طيب حتى يلمك

الأهداء لزوار ملفي الشخصي

هذا وربي كثيراُُ يااحبتنُا = لا احرم الله داع الخير داعيه
زدتو دعائاً وسرّة به سريرتنُا = كأن روحي لما يدعاء تراعيه
يالله تجمّل مع الاحباب سيرتنُا = وساعي الخير لا تِخسر مساعيه