الي متى ياراعي الضحكه تغيب ...!!

الي متى ياراعي الضـحكه تغيب
... الي متى والصبر مفتــــاح الفرج
الي متى وجروح قلبي ماتطيب
... الي متى..؟ ربك عليمٍ بالفرج



الي متى ... الي متى

صمت القلوب الثايره !!!

الي متى ...

صمت العيون الحايره !!!

الي متى ..

والصمت جرحّه الصبر !!!


انا تعودت الشموخ .. واكابر احساس الجروح

واكتم احاسيس الالم ..

وارسم من احزاني فرح .. يخفي تقاسيم الحزن ..

يمكن تخف الاسئله ..؟

لاني خلاص !!! خلاص .. ماعدت املك اجوبه ..؟


خليتني مثل الذي يطرد سراب
... تعبت خطاه ولاحصل مقصودها
ضيعتني وشربتني كاس العذاب
... وانا وفي ٍ للــــغلا وعــهـــودها


ماقدر اقول : ان البلى وسط الصدر

واني عشقت المستحيل !!!

واني عشقت اللي على قلبي تمون ...

انثى على هيئة ملاك ... ماهي مثل كل البنات !!!

هويتها والله كريم ..


في وصفها عيت حــروفي لاتجود
... ظاعت حروفي بين جزر ومدها
لان الحلا يسكن تفاصيل العنود
...اللي سكن في وسط قلبي ودها

احيان ليلي لاسرى ......

وخيم على الوقت الظلام !!

ونامت عيون الحاسدين !!

تزورني حبيبتي ....

جتني مثل طيف ٍ جميل .. تجتاحني مثل الدفى !!

اللي يجي وقت الشتاء ...

تزورني نسمة عطر .. تزورني مثل الندى !!


طيفه يمر وظحكته سحر المسى
... وانـــــوار خــــده زاهــيه بورودها
يمرني لو كان في وصـــــله قسى
... وطيفه يجيني لانحرمت وجودها


اتذكر ايام الهنا ... وعشق ٍ على وضح النقا !!

واجمل مشاوير العنى ...

واتذكر ايام الوداع ...

ساعه عن ايام وشهور ...

يوم استعدوا للسفر ...

يوم ذبحوا قلبي على كف القدر ...

يوم جمعوا كل الحقايب والشنط ...

ودعتها ..!!!

وانا بعيد ... وهي بعيد !!!

ودعتها ..!!!

وعيوني بحالي شهود !!!

ودعتها ..!!!

وانا على علم ويقين ... ان الصدق وسط العيون !!!

وان البقيه يكذبون ...؟

ودعتها ..!!!

واخر عهدنا في بعضنا ... نظرة وسط الزحام !!!

اصدق من الحكي الكثير ... ومن ملايين الجمل !!!

ودعتها ..!!!


اصعب فراق انك توادعلك حبيب
... تشوفها والدمــــــع جـــــرح خـــــدها
جرح المــــــوادع مايداويه الطبيب
... لانه يبــــــيح بالمــــــواجـــــع سدها