نقلت لكم محاوره بين الشاعر فلاح عشوي الحبلاني وبين الشاعر عرفاء القماصي السبيعي

نقلت لكم محاوره بين الشاعر فلاح عشوي الحبلاني وبين الشاعر عرفاء القماصي السبيعي


يقول الشاعر عرفاء القماصي
مسيت بالخير مرحب فيك يابو عشوي
كيف انت يالشاعر الي للجزيله ترود
هاليل ياصاحبي نبغاه حمس وشـوي
ونبي نتقهوا قصايد وارق معيا سنود



ورد الشاعر فلاح عشوي الحبلاني....

أبك البقــى والبقــا في جلها يالخوي
ترحيبــه الشــاعر اللي فالمعــاني يجــود

هالليل يالليلتك مــدام فيهــا هــوي
أبشــرك نسبك المعنى ونثبــت وجــود



ويقول الشاعر عرفاء القماصي ....

اليله ابغى من الشعر الجزيل ارتـوي
من جانبي فاتحله محمكات السـدود
ونيزك قصيدي له اليله هويـد ودوي
اطلب من الله يجيبه فوق عرق النفود




ورد فلاح عشوي الحبلاني,,


يذيب من رجمها سمعت منك عوي
والظاهر السالفه من فوق ها كالحدود

النيزك اللي رمعته صار علمه سوي
زبده كلامن يجي لك من العموم الردود



ويقول شاعر الجهيمني دخل معاهم بالمحاور ....


يافلاح واصل وخلك قوي

. الشعر بوحه بوح وسدودة اسدود
عرفاء دائم يشوفك منطوي
.. وانا دخلت عرض بين الاسود



ورد فلاح عشوي الحبلاني,,,,

ارزاق بعض النمل ياصاحبي تحتوي
نوبن معيشه ونوبن ماعليها اجهود

وشهي قياسك عليها وانت لو تنكوي
مكان شفت الخلايق بين ود وصمود




كنتم مع محاوره بين فلاح عشوي الحبلاني والشاعر عرفاء القماصي السبيعي

تقبلو ودي قبل كل شي

صح السااااااااااااانهم جميع

شعراء كبار


والف شكر لك اخوي فيصل على النقل الرائع

الله يعطيك العافيه النقل
محاوره جميله تشكر عليها

تحيااتي لك

اشكـــــــــركم جميعـــــــــاً على مروركم الكريم

ودمتـــــــــــــم بصحــــــــــه وعــــــــــــــافيـــــه

تسلم اياديك على النقل الجميل
عافاك الله

ودي لك