الوايلية

الوايلية

هاتوا القلم والقرطاس ليه =ابكتب مشاعر(ن) بالصدر كاتمها

يالله يا عالم بنيات خفية=رب السما ولارض منشي سحايبها

يا هادي (ن) خلقه ببعثة نبية=عزيت من اسلم وذليت كافرها

نطلبك يا رحمن صبح ومسية =رحمتك توهبها لمن كان طالبها

تفرج لي هموم بقلبي عصية=تسهرني طول الليل في ظلايمها

جفتني الدنيا وجارت عليه =اخذت حكمتها واطيب خصايلها

احسب خطاي بكل روحة وجية =ما يفيد من الاعمال غير خيرها

تغرك الدنيا تحسبها بهية =ولابد من يومن تقفي رحايلها

كتابك لابد انه ينطوي طية =تفارق الدنيا بعد ماكنت ساكنها

لابد يجيك الموت لو عشت مية=قبلك امم كثيرة قفت ركايبها

يوم الحشر كلنا نوقف سوية=يسلم من نفسه عن الشرك صاينها

سبحان رب الكون اهدانا بهديه =ثبت نجوم الليل وسير كواكبها

قصدت وانا ضميري منكوي كيه=واللبيب من فهمها وعرف مقاصدها

هذي النصايح مني هدية=النفس في كل حاجة لا تطاوعها

دنيانا يا ناس دنيا فنية =لابد ما تزول سبحان زايلها

اترك الجهال والعلوم الردية =نفسك دايم لازم تحاسبها

العاقل ما سلك دروب(ن) ملتوية =الردا والجهل والسوء جنبها

ترى الطيب يرفعك عن كل سيه =والردا خاب بين الناس فاعلها

خل عزيز النفس وعندك حمية=اتبعمحاسنهاواترك مساؤها

خلك كريم وايدينك سخية =الملك لله كل الخلق رازقها

دور لرزقك واطلب رب البرية=ما خاب من سعا في مناكبها

والجار احفظ جيرته من كل اذية =وصانا رسول الله عليها وكررها

خاوي اهل الجود وصفوا النية=ليا تراخى عزمك بالميلات يسندها

ترا الخويا واجد بوقت الرخية =يصفي لك النشمي بحزة شداياها

ناسب اهل الكرم والنافية=بنت حمولة طيبة في طبايعها

وبيت الرداخله والشواوية=منبعها ردي كبيرة في دبايرها

افعالالرجال ماهي سوية=ايدك ماهي متساوية اصابعها

وانا كما حر (ن) ما يداني الدنية =ما ياكل من صيدة ما هو بصايدها

نفسي تبي العليا لها مطية=ما يمتطيها يا ناس من كان هايبها

روحي تبي الطولات واخلاقي سمية=لابد اني بعون الله بطايلها

ما ني بجاهل وعلومي عذية=شعري ومعانية بالميزان زاينها

سلامي لمن انتخى بالوايلية =قبايلها فخوذها مع حمايلها

حنا هل النخوة واهل الحمية =يشهد لنا التاريخ والافعال شاهدها

كسرى طغى على العرب وازداد غيه=بجيوشة وعساكرة شتت قبايلها

يومه بغى ذاك الزمان صبية=بنت للنعمان ملك عرايبها

رفض النعمان وقال يا هل الحمية=من يجير من كسرى ونعم السمية

زبن بكر وتغلب بالجاهلية=عند عين ذيفار دارت معاركها

ما يهابون الموت ليوث ضيغمية=رجال بشدتها ليا ثارت غبايرها

اسود كاسرة ما يهابون المنية =من فعلهم بالفرس ولت دبايرها

قال كسرى امبراطور الفارسية=( كل قوم ولا عنزة ) بانت فعيلها

اقول الصدق قبل وفاة المنية=الشمس تظهر بعد ما الغيم يحجبها

وصلوا على المختار بعد التحية=عدد ترايبها وما نزل من سحايبها

ل محمد خلوف الشليتي الغبين

صح لسانك ولاعدمنا حضورك الراقي

آللهْ يسعدْ آلشعرْ بقلبكْ
ممتنينْ جميعآ لكْ لنثرك عبقْ جمآلْ آلقوافيْ هنآ
صح لسانكْ
قصيدةْ وآفيهْ
عسى الله يوفقكْ

تقبلْ مروريْ

صح لسانك
طاب لي ما قرأت هنا .. وأستمتعت بهذا الجمال والأبداع
تحياتي لهذا الحس السامي
ودام قلمك نابضا ...وقلبا ساميا

خيّال نجد

قصيده رائعه
قرأت حرفك بعمق شديد وراق لي
طاب احساسك وصح لسانك
اقدم شكري وتقديري لـ شخصك النبيل
عابر سبيل يهنئك بهذ الأبداع

قصيدة بمنتهى الروعه والجمآأإل

صح لسآأإنك ملاييين
وسلم نبضك وآحسآأإسك
دمت ودآم توآجدك وعطآأإئك الجميل

سلمت يمينك وصح لسانك ملايين
قصيده جمعت الجزاله والأبداع معاً

ودي

صح لسانك ودام تميزك وروعة حروفك
متصفح رائع وأكثر من رائع
بأنتظار المزيد من بوحك المميز والفريد

.

ازهار الربيع

الله يسلمك
يعافيك ربي

المشاركة الأصلية كتبت بواسطة ذيب المضايف

آللهْ يسعدْ آلشعرْ بقلبكْ
ممتنينْ جميعآ لكْ لنثرك عبقْ جمآلْ آلقوافيْ هنآ
صح لسانكْ
قصيدةْ وآفيهْ
عسى الله يوفقكْ

تقبلْ مروريْ

يسعدك ربي اخوي

شكرا للمتابعة وصح بدنك

تحيياتي لك