باريس

الـــلـــي كـــتــــب لـلــعــبــد بـــاالــــوح مــاشــيـــف=وامـســيــت انـــــا مـن غـيــب الايــــــام خـــايـــف
يــــارب ســتــرك مــــن جـمـيــع الـصــواديــف=ويــــاالله عــفـــوك يـــــوم نــشـــر الـصـحـايــف
اصبـر وشفنـي مـن حمـول الصبـر كيـف=واللـي سمـع مـاهـو مـثـل شـخـص شـايـف
يـالــيــت دنــيــانــا تـجـيــلــي عـــلـــى الــكــيــف=واخــــــذ بـــهــــا مـــاكــــان طـــايــــب وكـــايــــف
خلوني ادله واتمشى على الكيف=واعدي المرقاب في كل نايف
وابــــدع لـنـفـسـي مــــن جــزيــل الـتـواصـيـف=بــــيــــوت شــــعــــراً يــــــــوم جــــنــــي طــــرايــــف
اطرب بها مسامع العضو والضيف=اللي يحبون الشعر بالمضايف
يـالــوف قـلـبـي لـولــوف نــبــت الشـفـاشـيـف=وان حـلـبـه مـــن حـامــي الـصـيــف لايــــف
عـلــيــك يـاالـمـجـمـول هــــــاف الـسـراجــيــف=الـــــجـــــادل الـــمـــربــــوع نــــــــــاب الـــــردايـــــف
الـبــارحــة جــانـــي خـيــالــك مـــــع الــطــيــف=وصـحـيــت مــــن نــومــي وكــلــي حـسـايــف
طال الصبر وانا انتضر عطلة الصيف=تـــلــــم شـــمــــل أهــــــــل الــقـــلـــوب الــــولايــــف
بالديره للي تكرم الجار والضيف=مصيفها يسوى جميع المصايف
لايابعد لندن وباريس وجنيف=للي عليها يدفعون الكلايف
عسى المزون المرزمات المراديف=تمطر على الشملي ولغف الطرايف
ياما تصير اديارنا كلها ريف=يرعابها المصلاح مع كل طايف
هذي طرات القلب والعين يامنيف=ونرتاح من حرب الدول والطوايف