قـــرانيــس دمـعــــــﻲ فــرّســت بـﻲ مـخآلبــها

انا البارحه صدري عوى والضلوع اذياب=عوت واقنبت والليل الاقشر يقانبها
وعشيتها من دم كبدي وانا منصاب=ولا ادري انا لوقمت فعلا ً بواجبها
يتيه العقل والعقل زينة اولي الالباب=من ارجال وقت ٍ كالعذارى نعاتبها
من الضيق والترحاب وتفتّل الاشناب=قرانيس دمعي فرّست بي مخالبها
انا وين ابلقى من يشد الظهر يعقاب=عقب ما مسابيحي تلعبس شراشبها
وبشيت في وجه الحزن والحزن وشّ جاب=مغير الدموع اللي تغرّق قواربها
يقولون يا حبيت طبع الهوى غلاب=ومن حبّ له بنت ٍ ضلوعه يحطبّها
حبيت ..... والمحبه شطيرة ناب=الى جا ولد عمها على الخيل يرْكبها
وانا يا ولد عمها من الضيق والترحاب=أدسّم شنبك ولحيتي ما أقضّبها
فلا انت بكفو تبني خيامك بدون اطناب=ولا تشكْم المهره ولا انّك اتأدبها
ترى ام العيون السود شامت عن النصاب=تراها تناسبني وانا حيل اناسبها
تعال اسمع إلـ قصة حسد في زمان ٍغاب=ونبّ العلوم الغانمه يا ولد نبها
يقولون جا سيل ٍ على مدرجه وانساب=وقشّ الغنم ثم قام راعيه يندبها
وجوه العرب يفلان امر الله الغلاب=قضاء وقدر ، واقدار ربك اتحاسبها ؟
ولكن راعيها يقول الغنم تنجاب=ولا هلّت ادموعي على اشياه جايبها
انا ابكي غنم جاري نجت والقدر ما صاب=شلوووون إسلمت والسيل جاها وجنبها
وذي حكمتي بالوقت لو وقتنا كذاب=عساها سليمه يا ابن عمي عواقبها

للاستماع

شاعرنا الراقي

ياهلا ويامرحبا فيك

ماتغيب إلا وتجيب الشعر الجزيل

قمة الشاعريه وحداثة المفرده

يتفرد بها شاعرنا لله درك

راق لي ماكتبت

دمت بخير

ابدعت لاهنت
لله درك علي روعة السرد
ووكانها تحكي لنا قصه
محملة بالحكم مبدع بطرحك
لك وردي.....

صح لسانك واعتلا شانك ..
ابداع في حروفك و الكلمآت تنسآق لك طوآعيه...
وَردَة بَيِضَآء لـِرُوَحَك

دُمَت بِخَيِرَ..~

صح الله لسآآنك ابداع وجزاله دائماً ...‘‘
راقت لي كل الأبيات بجمالها وتسلسلها وقوة المعنى

ود لاينتهي

انا وين ابلقى من يشـد الظهـر ياعقـاب
عقب مـا مسابيحـي تلعبـس شراشبهـا


الرائع /عنادر الرواد

صح لسانك مليار وتكرار


نص ينبض بالشعر الجزيل والمعاني الرائعة


لك ودي وتقديري


,

عناد الرواد

لله درك على النص الرائع

صح لسانك لين ترضى ولا عدمنا هذا الحضور الراقي


دمت بخير

صح لسانك اخوي عنادالرواد
والله يعطيك العافيه على جزالة ماقدمت لنا
كتبت وابدعت ولا يستغرب الإبداع من اهله

عناد
صح كلك يامبدع

نص اقل مايقال عنه جوهره

رغم انقطاعي عن االنت الا انك احد الشعراء اللذي احفظ واتابع جديدهم

سلمت ودمت

صح لساااااااااانك وأعتلا شاااااااانك
أبيات درر متناثره ، أستمتعت بها كثيراً
ودي لك...
أخوك جدعان العنزي