لا حول لا قوة ولا حزام ومتون

قالوا علامك يا عمر دوم محـــــــزون
قلت البلا مركــــــاي والياس مجناي

والعزم هـــــافي بامر الاقدار ممهون
والروح تتلي ظـــامي الشوق وبكاي

لا حول لا قوة ولا حـــــــــزام ومتون
اسير جرحــــي والعمى يامر خطاي

عجـــزت عن عينٍ لها الدمع مضنون
وبحلت في قلبٍ عصا صـــايب الراي

ســــاقتني الأيام واضحيت مسجون
وسط النقايد والجــــهل والعتب ماي

من عجْـــــــــزوا التبكير لا رج يِردون
يروون من تاليه والصـــــــــوم مبداي

وتردين يالهــــــــدبا على ما يعَجْزون
شربك قراح العــــــــد والعِرف مرواي

ان ما رويت بشوق والا فـــــــلا اكون
موتي ولا الحــــرمان يسكن حناياي

#عمر_بن_عبدالمحسن

ان انشالله في مثل هاليوم

والحزن بعيد عن عالمك ..

صح لسانك ودمت ياعمر

تقديري

الله يبعد عنك الحزن اخي عمر عبدالمحسن

وصح لسانك وسلم بوحك


والله يعطيك العافية على النص الفاخر


ابدعت بما كتبت بارك الله فيك


لك كل الشكر

للقراءه هنا رونق خاص ومتعه خاصه
صح لسانك وسلمت اناملك على كل حرف

صح لسانك واعتلا شانك ..
ابداع في حروفك و الكلمآت تنسآق لك طوآعيه...
وَردَة بَيِضَآء لـِرُوَحَك

دُمَت بِخَيِرَ..~

عمر عبدالمحسن

صح لسانك ملايين وسلم بنانك

الله يبعد عنك الحزن ويبدله فرح وسرور

لاهنت على الإتحاف الجزل

الله يعافيك على القصيده الطيبه
الشكر والإمتنان لك

صح لسانك
طاب لي ما قرأت هنا .. وأستمتعت بهذا الجمال والأبداع
تحياتي لهذا الحس السامي
ودام قلمك نابضا ...وقلبا ساميا

خيّال نجد

صح الله لسآآنك ابداع وجزاله دائماً ...‘‘
راقت لي كل الأبيات بجمالها وتسلسلها وقوة المعنى

ود لاينتهي

صح لسانك وسلم البنان
ابداع وتميز ماشاء الله