وجـه الـسـعـد (( الاهداء للاستاذ سعد بن عذاب البلعاسي ))

اللي دعاني دعوته ترفع الراس = يستاهل الجزلات من قلب ولسان
دعوة (سعد) لها بالاعماق مجلاس = سعد سعد وجه السعد طير حوران
يأخذ من أسمه كل هقوه ونوماس = أسمه لهقوات الرجاجيل عنوان
للطيب نبراسٍ وللصدق نبراس = في كل موقف له مكانه وعرفان
رمز الشهامه طيّب الصيت والساس = الشامخ اللي من صناديد ويلان
أغليه وأعرف معدنه ماهو أنحاس = معدن ذهب يرجح على كل ميزان
لعل يبطي مايجي راسه الباس = ولا يلحقه من دورة الوقت نقصان
جيته وأنا شاعر وشاعر على ساس = مبطي وأنا مشيّد من الشعر بنيان
وأنا قصيدي ماس وأبديت بالماس = مدح الذي يستاهل المدح ياخوان
اللي هقابي يبشر برفعة الراس = أركز له براس النواميس نيشان
حي الحضور اللي دعاهم من الناس = من دون أسمّي وأذكر فلان وفلان
في ليلةٍ فيها الفرح كله أوناس = جينا نزف أسمى التهاني علشان ؟
(أنور و عبدالله) لهم صدق الاحساس = باقة مشاعر بالغلا شأنها شان
مغلفه بالقلب ماهي بقرطاس = قدمتها بالطيب والشعر برهان
ونطلب من اللي عالمٍ غيب الانفاس = تبقى سعادتهم على مر الازمان

.
.

صح السانك
ومشكورعلى تقديم لنا قصيده رائعه
بارك الله فيك

للقراءه هنا رونق خاص ومتعه خاصه
صح لسانك وسلمت اناملك على كل حرف

صح لسانك واعتلا شانك ..
ابداع في حروفك و الكلمآت تنسآق لك طوآعيه...
وَردَة بَيِضَآء لـِرُوَحَك

دُمَت بِخَيِرَ..~

جساس

تسلم على الحضور النور

تقديري

منصور الرويلي

صح لسانك على النص الشامخ

يستاهل سعد البلعاسي وألف نعم بالمادح والممدوح

الله يبارك له بزواج ابنائه ويوفقهم ويرزقهم الذريه الصالحه


دمت بخير

الله يعافيك على القصيده الطيبه
الشكر والإمتنان لك

صح لسانك
طاب لي ما قرأت هنا .. وأستمتعت بهذا الجمال والأبداع
تحياتي لهذا الحس السامي
ودام قلمك نابضا ...وقلبا ساميا

خيّال نجد

صح الله لسآآنك ابداع وجزاله دائماً ...‘‘
راقت لي كل الأبيات بجمالها وتسلسلها وقوة المعنى

ود لاينتهي

صح لسانك وسلم البنان
ابداع وتميز ماشاء الله