شيلة البارحه | كلمات : سلطان العاصي | اداء : خالد الدهيري

البارحه

البارحه مانمت يالله عسى خير
والنوم عن عين الشقا صد غايب

زودن على الهوجاس همٍ وتفكير
هواجسٍ فرضت علينا غصايب

في خافقي وهاج نار ودوافير
جمرن تلفه بالضماير هبايب

لازاد فيني وارتفع شفت تغيير
بليا شعور افز وارقى الجذايب

وان ساجبي سج القدم للمشاوير
واسري ليامن القمر كف غايب

دنيا غريبه لغزها دون تفسير
عجزت لفهم صفوها من الشوايب

هذا زمانٍ يخلف العقل ويطير
ودنياي هذي ماتجي بالغصايب

تغيرت دنياي والتاليه خير
وقتي تغير والوفا فيه غايب

ابواقعي بقبل على كيف مايصير
دام الاسد مربوط والكف عايب

ولو عندنا من غيب الايام تحذير
كان احتفظنا في سمين الجلايب

كان احتفظنا بالبكار المدارير
للجار هو والضيف وايضا ركايب

ولا راح مالٍ دون حشمه وتقدير
ومع تالي المعروف بعُد وطلايب

الطيب باهل الطيب كنزٍ وتوفير
وان غر من اهل الطيب رمل بهبايب

نعيم رملٍ بالذرى والحواجير
واليا غشاه السيل بالمي ذايب

ماكل من فرع يرد المغاتير
ولا كل من يرمي النياشين صايب

ومن لا وقف لي واليالي مدابير
ماعقبها ياكود عوج النصايب

والشر مايحدث الا وسبته خير
شف لي مكان ابعتكف فيه تايب


الشاعر / سلطان العاصي

الاطرق الهذال

تسلم على هالطرح الجميل بجمال حضوورك

عواااافي للجميع

ابو سلطان

عافاك الرحمن على انتقائك الرائع

صلح لسان شاعرها وسلمت يمين ناقلها

تقديري ..

دنيا غريبه لغزها دون تفسير
عجزت لفهم صفوها من الشوايب

هذا زمانٍ يخلف العقل ويطير
ودنياي هذي ماتجي بالغصايب

اخي الكريم ابو سلطان
يعطيك العافيه وتسلم الايادي
طرح رائع وانتقاء اروع لاهنت
والله يبعد عنك كل هما وضيق !
ننتظر مزيداً من جديدك المميز
دمت بحفظ الرحمن
✿❄ أميرة الورد كانت هنا ❄✿

شيلة رائعه

تسلم اخوي ابو سلطان

الله يعطيك العافية

لك شكري

يعطيك العافية على الطرح المميز
وًٍدًٍيًٍ......لًًًٍٍٍكًًًٍ......

طرح وافي وجميل
عوافي

صح لسان شاعرها وعافاك على النقل

تسلم اياديك على جمال الطرح والإختيار المميز
عافاك الله

ودي لك

الله يعافيك على الطرح المميز
كل الشكر والتقدير