((انت السبب في صمتنا))

الموت شفته ياريش العين ثم عدت
في لحظة ما كنت اظني ..... بعايد
كدت اتوفى يالغضي كدت انا كدت
لكنه لطف الرب رب .......... البدايد
ربي رحمني من عقب ... ما تمددت
من عقب ماني من طريح . الوسايد
مهما شكرت الرب ومهما .. تحمدت
الرب فوق الحمد وشكر .... القصايد
اسندت لك يا سيدي يوم انا أسندت
اسندت لك بعض الخبر ... والوكايد
انت السبب في صمتنا كيف واكدت
راحت شرايد قافنا لك ........ شرايد
طال الجفا ثم طال ثم طال ومددت
مدري خلافك فكر ........ والا عقايد
مدري تغلى يالغلا كيف .... ما جدت
والجود من جود العرب .... والعوايد
ما انكر عليكم فكركم يوم ... شيدت
للقاف مبنى والقصايد .......... قلايد
لكن هواكم عكسنا يوم ....... سيدت
حنا رجعنا عكسكم .......... يالخرايد
لكن صياد الوقت صادن .. ولا صدت
والصمت باقي ما تحرر ....... وسايد

القارظ العنزي

الرائع القارظ العنزي

صح لسانك ابا فيصل ولا هنت

ابدعت وأمتعت وارويت الذائقه

تحياتي لك

قرأت حرفك بعمق شديد وراق لي
طاب احساسك وصح لسانك ملايين
اقدم شكري وتقديري لـ شخصك النبيل

صح بدنك ابو سلطان
اخوي الاطرق بن بدر الهذال
لاهنت ولا هان منطوقك

صح بدنك عابر سبيل
لاهنت ولا ولا منطوقك

الشاعر العذب
سلطان القوافي
القارظ العنزي
قصيدة اكثر من رائعه
مبدع كالعاده
لحرفك بريق يجذب انتباه القارئ
ويتمنى لو يبقى سلسبيل الحرف متدفقا لا يتوقفو
راقني جمال القصيده واستمتعت بقرائتها
بانتظار قصيدتك القادمة باذن الله
ودي واحترامي

صح مرورك وحضورك بنت الجبل
هذا بس من ذوقك الراقي

صح لسانك
طاب لي ما قرأت هنا .. وأستمتعت بهذا الجمال والأبداع
تحياتي لهذا الحس السامي
ودام قلمك نابضا ...وقلبا ساميا

خيّال نجد

صح لسانك ودام تميزك وروعة حروفك
متصفح رائع وأكثر من رائع
بأنتظار المزيد من بوحك المميز والفريد

صح الله لسآآنك ابداع وجزاله ...‘‘
راقت لي كل الأبيات بجمالها وتسلسلها وقوة المعنى

ود لاينتهي