محاوره بين العمده والعصيمي

العمده
سلام والطارف ينوخ بالطيب ويشيل الحموله
اما سرى حمله يشيله والا غدى بالحمل مايل
مدري نقول اللي نشوفه والا نكبه ما نقولـه
الله من زود العجايب والله من وقت الهوايـل

سعود العصيمي
يامرحبا ياللي تسلـم والثانيـة معـك محلولـه
واللي معك من علم هاته لنكان ابه علم ودلايل!!
الحمد لله والثنا له عملتـك وابشـر بالعمولـه
عزوة عتيبه كلبوها تذبح وتلطـم كـل عايـل!!
العمده
دام البقا لك يالعصيمي يالطيب اللـي مـن حمولـه
لكن قص الدرب قصه واتعب علـى حـل المسايـل
المنبر اللي له مهابه والناس مـا يمشـون حولـه
امسى عليه من الشواوي صبح ومساء صايل وجايل
سعود العصيمي

الطيب لعيال الحمايل والمرجله لاهل الرجوله
نبا معك تعب شويه ونشوف كيف العلم قايل!!
العلم هذا لاتقوله لو يدعي العربـان جولـه
وان لاح براق المخايل حنا نطاول كل طايل!!
العمده

[color="navy"]سن الرضاعة مددوا له والمستحيل امكن حصوله
تقدر بعد بكره تظلي محرم ولو فاقصـى القبايـل
راس الزمن من عام الاول غادر وقافينا ذيولـه
وامثالك اللي فالآواخر ما هم على نهج الاوايـل

سعود العصيمي
[/color]رعد معه فالراس حاجة ومغيـره عـن دلولـه
فيما مضى يازين دله مجلس وهيل وراس حايل!!
راس الزمان لن كان غادر يبايشلك في حثولـه
لكن ريح في ظلالي وقت الشدايـد والصمايـل؟؟
العمده
يا ريس البنك العقاري وان كان ما عندك سيوله
مصرف جنيف اليا وصلته ترجع محمل بالجمايل
ترى الفتن تفتر فره واخبارها فـي كـل دولـه
واللي رقد ماهوب داري برعود وبروق المخايل
سعود العصيمي

انته معك جني سياحي يعطيك كلش في حلوله
اخذ الحقيقة لاتحاول مافيه حيلات ومحايـل!!
انا على الله اتكالي وامشي على منهج رسوله
ولياحصل فالعلم حاصل حنا متعبة الاصايـل؟

مشكوور اخوي الغريب

ودي~

محاورة جميلة ورائعه

مشكور اخوي الغريب

تسلم على النقل الطيب

خالد العدينان
بنت الكحيلا
مشكورين على المرور
وان شالله اعجبتكم
واعجبت الجميع
لكم ودي وردي

الله يعطيك العافيه النقل
محاوره جميله تشكر عليها

تحيااتي لك