مصافحة اولى ::::::::والطارف سديّد

سلام رديّة وفاء تنصى مضيف الغانمين=المنتدى اللي يكرم الشعّار من طيبت هله
الليله الليله يقرّ العلم والخافي يبين=إمّا رقينا الضلع ولاّ رفعتن بالمنزله

انا زائر دائم لـ مضايفي العزيزه لكن يوم شفت ابياتك حبيت اسجل و ارحبك يا العتيبي بين اخوانك و اخواتك

و اتشرف بـ اللعب معاك

سم

بك البقا يا الشاعر المعروف عند العالمين = اقلط و مرحبك و لك فنجال يعدل مايله
الدرب له مسلك يسار و له ترى مسلك يمين = عليك لف البوصله يا الحافي وقولك قله

الله يبارك فيك يااوايلي وهذا ان دل يدل على طيب اصلك مرباك يالغالي

الله يبارك فيك يارجّال والعلم الثمين=يبقى على مر الدهر مضرب جميع الامثله
الدرب سيده ياولد وايل وربك لك يعين=لعب المعاني يختلف لن كان جات الاسئله

ابيض وجه يا مشعل لاهنت لا هنت

دربك ورود و كل ماجيته اشوفه لي يزين = و الامثله ماتغني العســـــّـــال مثل المنـــحله
يا غيمة الطيب الكريمه لك فدى مليون عين = و انا رفيقك يا رفيقي دام عذرك اقبله

الليل الليل يا مشعل

/
/

انته علومك وافيه والعين تحت الحاجبين=يالشاعر العسّال دقّ العلم خالف لا اجلله
نبى نرد العلم يم الكارثه وانته فطين=جده غدى عاليها الشاهق يشادي لا اسفله

معليش على التاأخير يابن وايل
انا حاليا العب ثلاث طواريق في ثلاث منتديات مختلفه لذلك اتأخر
والمنتدى هنا طافية ناره وشعاره غير متواجدين القسم يشكي الضيم

الليل ماعاد الى خير وافي يا مشعل و ترحيبي يسد اللزوم ان شاء الله

صح السانك و بيض الله وجهك و لنا في الجايات اكثر ان شاء الله

تصبح على خير

المشاركة الأصلية كتبت بواسطة مجرد وايلي

الليل ماعاد الى خير وافي يا مشعل و ترحيبي يسد اللزوم ان شاء الله

صح السانك و بيض الله وجهك و لنا في الجايات اكثر ان شاء الله

تصبح على خير

المعذره يابن وايل عن التأخير
وانت ترحيبك وطيب نباك يكفيني وويشرفني والله وشاعر لاهنت وافي
وجهك ابيض يالغالي ولنا لقاءات اخرى باذن الله يكفيني شرف والله تسجيلك للرد علي


تلقى خير يابعدي//

يعطيكم العافيه وصحت السنتكم

ارحب فيكم كل الترحيب

حياك الله يامشعل الحافي ياراعي الهيلا وحياك الله يالوايلي