موقف طيب من قبيلتي شمر وعتيبة ورد ثناء من قبيلة عنزة ..

بسم الله الرحمن الرحيم
اشهد انك وفيت يابن وائل بيض الله وجهك من هنا الى يوم القيامه
وبيض الله اوجيه شيوخ شمر الكرماء وبيض الله وجه الشيخ العواجي
وبيض الله اوجيه قبيلة عتيبه ممثله ب مسفر واخوه الذي نحمد الله على
سلامته واسال الله ان لايحرمهم الاجر واسال الله تعالى ان يجزل الاجر
لكل من سعى بهذا العمل الجليل الذي سيبقى عبرالتاريخ مفخره لكل من
ساهم به وهاذي عوايد العرب الكرماء



لنا حق الفخر بشخصك يابو خالد

لك اجمل التحيا واجلها

صح لسانك يالبناخي..

وماهي غريبه على قبايل الطيب شمر وعتيبه..

ونعم بالطنايا ونعم بالهيلا..

وبيض الله وجيهكم يالويلان على هالموقف الطيب..

انشهد انكم نوماس بكل محل...

بيض الله وجهك ياخلف وبيض الله وجه كل من سعى بالخير..

والرايه بيضاء للجميع ..

ودي وتقديري..

صح لسسسـانكـ وسلمت يمـناكـ ياخلف ..،،

وبيّض الله وجهكـ .. والنعم مليون بشمـر وعتيبـة ..،،





</B></I>

لله درّك يابو خالد
وبيض الله وجهك .. عز الله رفعت روسنا ياعزوتي ..

خلف الغريب .. استاذنا في الشعر .
لا عدمنا طرحك الشاااامخ .

تقبل خالص ود :
عبدالله فهاد البجيدي ,,,

الطيب ماله غير الطيب لله درك يالغالي بارك الله فيك وتقبل مروري المتواضع على شموخ موضوعك لله درك صح لسانك مليار يالغالي



ابوغريب العبدلي

صح لسانك
ونعم بجميع القبائل

صح السانك أخي الكريم

والنعم بالطيبين جميعا ً

كل التقدير

الاخ \خلف الفقيري

تحري بالطيب وبيض الله وجهك انت ومن معك

علومك غانمه وهذا ماعرف عنك يابو خالد

الف نعم بك وبمشل وبشمر وعتيبه

جزاكم الله كل خير ووفقكم دنيا واخره

والف صح لسانك على هالقصائد الثمينه والجزله

خلف الغريب اسم اقترن ببذل الطيب والمعروف

اسم تجده دائماً في مناسبات القبيله حاضر ويبيض الوجه

ابو خالد كل الشكر لك وادامك الله وسدد خطاك

دمت بكل خير ولاهنت

يقول فلاح بن شامان الشمري ,,


لقيت بالعتبان خمسـة عذاريـب
الطيب والنخوه وتقدير الاجنـاب

دون الخوي يا طون حر اللواهيب
وان حدت الدنيا يفكون الانشـاب


وقال ايضا محمد بن ساقان القحطاني في مدح شمر ..


والشمري) من طيب راسه وطيبه
به ميزة ٍ عدّت حدود المروات
لاثارت الفزعات .. لاتنتخي به
لأنه يثور من الطنا دون فزعات
الله خلقهم للمصيبه مصيبه
وللنار نار وللمعالي ريادات
وللموت موت ولللهيبه لهيبه
وللطيب طيب وللمراجل سيادات
لكن بهم حاجه ولاهي غريبه
يمكن يخون إبها الشعر والعبارات
إليا بطشوا خلو المضارب عطيبه
وإليا عطوا مامدوا إلا الجزيلات
ما ارفع مكانتهم بشعر ٍ اجيبه
هم يرفعون حروف شعري مقامات
وآخر ما اقول بهالشعر وانتهي به
بحطها بقوسين وأربع علامات !!!!
(الشمري ! عيبه ! وعيبه ! وعيبه !
إليا ارتكى للحمل شال الثقيلات ) ..





اما الويلان .. فنقول بصوت واحد ,, والنعم .. والف نعم ..


وقد قال .. الشاعر عايد الشمري قصيده طويله في مدح عنزه أخترت منها هذه الابيات :


ويلان لا وردو على المـوت عجليـن
******فيهـم علـى ورد المنايـا بتـاعـه
الطيبـيـن الطاهـريـن النقـيـيـن
******الخيـريـن الصادقـيـن السبـاعـه
موفين حق الجـار بالطيـب والليـن
******للجار فـي قـرب النشامـا مناعـه
معهم سليت ورحت بالمذهـب الزيـن
******راحت معاهم حفنـة سنيـن ساعـه
ثلثيـن عمـري راح يـا وي ثلثيـن
******مايـوم جتنـي العايلـه واللكـاعـه
صاروا لي الطف من غطا الجفن للعين
******وارق من حكـي الحديـث بشفاعـه
تحس في قـرب الرجـال المياميـن
******انك اخو من ((دم)) ولا ((رضاعـه))
حمّاية الوضحا مـن اللـي مغيريـن
******لاوين مـن طالـت عليهـم ذراعـه
واجب علي اذكـر فعـول الكريميـن
******اللي شروا كسب المراجـل بضاعـه
مدامنـي وافـي واحـب الوفيـيـن
******وقناعتـي فيهـم تفـوق القنـاعـه





تعمدت إخوتي أن اختار قصائد المدح .. من القبائل الاخرى ,, ولم أتي بمدح القبائل لقبائلهم .. أجمل وأكثر فخر ,,



الاخ خلف الغريب .. صح لسانك .. وشدني قبل القصائد .. سعيك مع من ذكرت من الشيوخ للصلح .. واصلاح ذات البين ,, شكرا الله سعيكم



والنعم بكل من ذكرت ,, واسف على الاطاله ,,

وانت سالم يابوخالد ويعطيك العافيه وصح لسانك

اهل الطيب مايلقون الا الطيب مثله والله يكتب اللي فيه الخير والاجر

والنعم في القبايل اللي ذكرت